தொழிலாளர்களுக்கு மானிய விலையில் இ--ஸ்கூட்டர்

ஊட்டி; 'இணையம் சார்ந்த தொழிலாளர்கள் மானியத்தில் இ---ஸ்கூட்டர் வாங்க விண்ணப்பிக்கலாம்,' என, தெரிவிக்கப்பட்டுள்ளது.தொழிலாளர் உதவி ஆணையர் (சமூக பாதுகாப்பு திட்டம்) லெனின் அறிக்கை:மாநில இணையம் சார்ந்த தொழிலாளர்கள் நல வாரியத்தில் பதிவு பெற்ற உறுப்பினர்களுக்கு இ--ஸ்கூட்டர் வாங்க மானியமாக தலா, 20 ஆயிரம் ரூபாய் வழங்க அரசாணை வெளியிடப்பட்டுள்ளது. அதன்படி, நீலகிரி மாவட்டத்தில் பதிவு பெற்ற உறுப்பினர்கள் இத்திட்டத்தில் மானியம் பெற tnuwwb.tn.gov.inஎன்ற இணைய தளம் வழியாக விண்ணப்பித்து பயன் பெறலாம்.விவரங்களுக்கு ஊட்டி ஸ்டேட் பாங்க் லேன் பகுதியில் உள்ள மாவட்ட தொழிலாளர் உதவி ஆணையர் அலுவலகத்தை நேரில் தொடர்புகொள்ளலாம்.இவ்வாறு அதில் கூறப்பட்டுள்ளது.