தனியார் கைத்தறி நெசவாளர்களுக்கு 16.50 சதவீதம் போனஸ் உடன்பாடு

பரமக்குடி : பரமக்குடி, எமனேஸ்வரம் பகுதிகளில் உள்ள தனியார் நெசவாளர்களுக்கு 16.50 சதவீதம் போனஸ் உடன்பாடு ஏற்பட்டது.பரமக்குடி, எமனேஸ்வரம் கைத்தறி ஜவுளி வியாபாரிகள் சங்க நிர்வாகிகள் மற்றும் அனைத்து தொழிற்சங்க போராட்டக் குழு பிரதிநிதிகள் சார்பில் போனஸ் ஒப்பந்த பேச்சு வார்த்தை நடந்தது. கன்வீனர் கோவிந்தன், சங்கத் தலைவர் கிருஷ்ணமூர்த்தி தலைமை வகித்தனர். செயலாளர் ரமேஷ்பாபு முன்னிலை வகித்தார்.அப்போது 2024ம் ஆண்டு தீபாவளி போனஸ் 16.50 சதவீதம் நெசவாளர்களுக்கு வழங்குவதாக இரு தரப்பினரும் பேசி ஏகமனதாக தீர்மானம் நிறைவேற்றப்பட்டது.இதில் சி.ஐ.டி.யு., முரளி, ஏ.ஐ.டி.யு.சி., ராமமூர்த்தி, ஐ.என்.டி.யு.சி., ராமச்சந்திரன், ஜனதா தளம் நாகநாதன், ஏ.டி.பி., ராமநாதன், ஜவுளி உற்பத்தியாளர்கள் சங்கம் லோகநாதன், யதீந்திரன், கணேஷ் பாபு, ரவிச்சந்திரன் உட்பட பலர் கலந்து கொண்டனர். கன்வீனர் குப்புசாமி நன்றி கூறினார்.