கத்தரிக்காய் வரத்து குறைவால்  விலை உயர்வு: கிலோ ரூ.80

ராமநாதபுரம் : வெளியூர்களில் இருந்து ராமநாதபுரத்திற்கு கத்தரிக்காய் வரத்து குறைவால் விலை உயர்ந்து அதிகபட்சமாக முதல் தர கத்தரிக்காய் கிலோ ரூ.80க்கு விற்கப்படுகிறது. ராமநாதபுரம் மாவட்டத்தில் காய்கறி, பழங்கள் குறைந்த அளவே சாகுபடி செய்யப்படுகிறது. இதன் காரணமாக பெரும்பாலான காய்கறிகள், பழங்கள் வெளி மாவட்டங்களில் இருந்து வாங்கி வந்து ராமநாதபுரம் சந்தையில் வியாபாரிகள் விற்பனை செய்கின்றனர்.இதனால் பிற இடங்களை காட்டிலும் இங்கு காய்கறிகள் அதிக விலைக்கு விற்கப்படுகிறது. ராமநாதபுரம் சந்தைக்கு கத்தரிக்காய் வெளியூர்களில் இருந்து வரத்து குறைவால் கடந்த மாதம் கிலோ ரூ.40 முதல் ரூ.60 வரை விற்றது தற்போது விலை அதிகரித்து கிலோ ரூ.80 வரை விற்கிறோம் என வியாபாரிகள் கூறினர்.