பசும்பொன்னில் எஸ்.பி., ஆய்வு

கமுதி : கமுதி அருகே பசும்பொன் முத்துராமலிங்கத்தேவர் 117 வது ஜெயந்தி, 62ம் ஆண்டு குருபூஜை விழா அக். 28, 29, 30 தேதிகளில் நடைபெற உள்ளது.முதல்வர், அமைச்சர்கள், அரசியல் கட்சி தலைவர்கள், முக்கிய பிரமுகர்கள், பொதுமக்கள் ஏராளமானோர் மரியாதை செலுத்த உள்ளனர். பசும்பொன்னில் குடிநீர், ரோடு, மின்விளக்கு உள்ளிட்ட அடிப்படை வசதிகள் செய்யும் பணிகள் நடக்கிறது.இதையடுத்து முன்னெச்சரிக்கை நடவடிக்கைகள் குறித்து பசும்பொன்னில் ராமநாதபுரம் எஸ்.பி., சந்தீஷ் ஆய்வு செய்தார். அப்போது பேவர் பிளாக் ரோடு, குடிநீர் உள்ளிட்ட அத்தியாவசிய பணிகளையும் பொதுமக்கள், முக்கிய பிரமுகர்கள் வந்து செல்லும் வழித்தடங்களில் போதுமான தடுப்பு வேலிகள் அமைக்கும் பணிகளை விரைந்து முடிக்கவும் என்றார். உடன் டி.எஸ்.பி., இளஞ்செழியன், சிறப்பு எஸ்.ஐ., முத்துசாமி உள்ளிட்ட போலீசார் பலர் உடன் இருந்தனர்.