சாலை, ரேஷன் கடைக்கு எம்.எல்.ஏ., பூமி பூஜை

ஆத்துார், அ.தி.மு.க.,வை சேர்ந்த, ஆத்துார் எம்.எல்.ஏ., ஜெயசங்கரன், தொகுதி மேம்பாட்டு நிதியில், கான்கிரீட் சாலை, ரேஷன் கடை உள்ளிட்ட பணிகளுக்கு பூமி பூஜை விழா, பெத்தநாயக்கன்பாளையம் ஒன்றிய பகுதிகளில் நேற்று முன்தினம் நடந்தது. அதன்படி வைத்தியகவுண்டன்புதுாரில், 5 லட்சம் ரூபாயில், கான்கிரீட் சாலை அமைக்கும் பணிக்கு, எம்.எல்.ஏ., ஜெயசங்கரன் பூமி பூஜை செய்து பணியை தொடங்கிவைத்தார்.அதேபோல் வடுகத்தம்பட்டியில், 5 லட்சம் ரூபாய்; பெரியகிருஷ்ணாபுரத்தில், 10 லட்சம் ரூபாயில் கான்கிரீட் சாலை; சின்னகிருஷ்ணாபுரத்தில், 10 லட்சம் ரூபாயில் ரேஷன் கடை; மேட்டுடையார்பாளையத்தில், 9 லட்சம் ரூபாயில் கான்கிரீட் உலர்களம் அமைத்தல் உள்பட, 39 லட்சம் ரூபாய் மதிப்பில் பணிகளை தொடங்கிவைத்தார்.