கீழடி சோதனை சாவடி கட்டுமான பணி தொடக்கம்

கீழடி: கீழடி விலக்கில் புதிய சோதனை சாவடி கட்டுமான பணிகள் தொடங்கப்பட்டுள்ளது. சிவகங்கை மாவட்ட எல்லையான கீழடியில் தற்காலிக சோதனை சாவடி மூலம் போலீசார் வாகனங்களை சோதனை செய்து வந்தனர். நிரந்தர கட்டடம் கட்ட வேண்டும் என்ற கோரிக்கையை அடுத்து கீழடி விலக்கில் இரண்டு தளங்களுடன் 2023ல் செப்டம்பர் 11ல் அப்போதைய ராமநாதபுர டி.ஐ.ஜி., துரை திறந்து வைத்தார். ஓய்வறை கண்காணிப்பு கேமரா அறை என வசதிகளுடன் திறக்கப்பட்டது. மதுரை - பரமக்குடி நான்கு வழிச்சாலையில் கீழடி விலக்கில் அடிக்கடி விபத்து நடப்பதாக புகார் வந்ததையடுத்து உயர் மட்ட மேம்பாலம் கட்டுமான பணிகள் நடப்பதால் புதிதாக கட்டப்பட்ட சோதனை சாவடி அகற்றப்பட உள்ளது. இதனையடுத்து தற்போதைய சோதனைச் சாவடிக்கு 100 மீட்டர் முன்னதாக புதிய சோதனைச்சாவடி கட்டுமான பணிகள் தொடங்கின. கோர்ட்டில் வழக்கு தொடரப்பட்டதால் பணிகள் நிறுத்தப்பட்டன. கோர்ட்டில் சோதனை சாவடி அமைக்க தடையில்லை என உத்தரவு வந்ததையடுத்து தாசில்தார் ஆனந்தபூபாலன் உள்ளிட்ட வருவாய்த்துறை அதிகாரிகள் பார்வையிட்டு பணிகளை தொடங்கி வைத்தனர்.