சிவகங்கை மாவட்டத்தில் தொடர் மழையால்...முடக்கம்: இளையான்குடியில் அதிகபட்சமாக 68 மி.மீ.,

இளையான்குடி:இளையான்குடி, மானாமதுரை உள்ளிட்ட பகுதிகளில்2 நாட்களாக பெய்த தொடர் மழையால் மக்கள் வீடுகளை விட்டு வெளியேற முடியாத நிலை ஏற்பட்டுள்ளது. இளையான்குடியில்அதிகபட்சமாக 68 மி.மீ., மழை பதிவாகி உள்ளது.தமிழகத்தில் 'டிட்வா' புயல் காரணமாக அனைத்து பகுதிகளிலும் தொடர்ந்து மழை பெய்து வருகிறது. நேற்று செங்கல் பட்டு, விழுப்புரம், கடலுார், மயிலாடுதுறை, நாகை ஆகிய 5 மாவட்டங்களுக்கு அதி கன மழைக்கான ரெட் அலர்ட் விடுக்கப்பட்டிருந்த நிலையில் பல்வேறு மாவட்டங்களில் கனமழை பெய்து வருகிறது. சிவகங்கை மாவட்டம் மானாமதுரை, இளையான் குடி பகுதியில் 2 நாட் களாக பகல் மற்றும் இரவில் தொடர்ந்து மழை பெய்துவருவதால் மக்கள் வீடுகளை விட்டு வெளியே வர முடியாமல் வீடு களுக்குள் முடங்கினர். சிவகங்கை மாவட்டத்தில் நேற்று காலை 6:00 மணி வரை இளையான்குடி 68 மி.மீ., சிவகங்கை 15.20, மானாமதுரை 31.00, திருப்புவனம் 14.20, திருப்புத்துார் 8.00, காரைக்குடி 14.00, தேவகோட்டை 24.00, காளையார்கோவில் 23.40 சிங்கம்புணரி 3.7 மி.மீ., மழை பதிவாகி இருந்தது. நேற்று மாவட்டத்தில் உள்ள அனைத்து பள்ளி களுக்கும் விடுமுறை அளித்து மாவட்ட கலெக்டர் பொற்கொடி உத்தரவிட்டார். தொடர் மழை காரணமாக மாவட்டத்தின் அனைத்து பகுதிகளிலும் உள்ள நீர் நிலைகளுக்கு ஓரளவிற்கு தண்ணீர் வரத்து ஏற்பட்டு உள்ளதால் விவசாயிகள் மகிழ்ச்சியில் உள்ளனர். இளையான்குடியில் கீழாயூர் காலனி, ரசூலா சமுத்திரம் போன்ற தாழ்வான இடங்களில் மழைநீர் தேங்கியதால் அப்பகுதி மக்கள் அவதிக்குள்ளாகினர்.