திறக்கப்படாத கழிப்பறை
சிங்கம்புணரி: சிங்கம்புணரி அருகே கட்டி முடித்து 8 மாதங்கள் ஆகியும் கழிப்பறை திறக்கப்படாமல் நிதி வீணாகி வருகிறது.இவ்வொன்றியத்தில் பிரான்மலை ஊராட்சி மதகுபட்டியில் மயானம் எதிரில் ஊராட்சி நிர்வாகம் சார்பில் கழிப்பறை கட்டப்பட்டது.ரூ.3.50 லட்சம் செலவில் கட்டி முடிக்கப்பட்ட இக்கழிப்பறை 8 மாதங்களைக் கடந்தும் இன்னும் திறக்கப்படவில்லை. இக்கழிப்பறைக்கு தண்ணீர் வசதி செய்து கொடுக்கப்படாததால் பயன்படுத்த முடியவில்லை.இதனால் ஊராட்சி நிதி வீணாகி வருகிறது. விரைவில் கழிப்பறைக்கு தண்ணீர் வசதி ஏற்படுத்தி கொடுத்து பயன்பாட்டுக்கு கொண்டுவர அப்பகுதி மக்கள் வலியுறுத்தி உள்ளனர்.