மலைப்பாதையில் சாய்ந்த மரம்

கூடலுார்: மாவட்டத்தில் பரவலாக நேற்று மாலை பலத்த காற்றுடன் கனமழை பெய்தது. குமுளி மலைப் பாதை பென்னிகுவிக் மணிமண்டபம் அருகே ரோட்டின் குறுக்கே மரம் சாய்ந்து விழுந்தது. அந்த நேரத்தில் வாகன போக்குவரத்து இல்லாததால் விபத்து தவிர்க்கப்பட்டது. வனத்துறையினர், போலீசார் ரோட்டின் குறுக்கே சாய்ந்த மரங்களை அகற்றினர். இதனால் நேற்று மாலை சிறிது நேரம் போக்குவரத்து பாதிப்பு ஏற்பட்டது. லோயர்கேம்பில் இருந்து குமுளி வரையுள்ள 6 கி.மீ., தூர மலைப் பாதையில் சாய்ந்து விழும் நிலையில் பல ஆபத்தான மரங்கள் உள்ளன. இரண்டு நாட்கள் கனமழை பெய்யும் என வானிலை ஆய்வு மையம் அறிவித்துள்ள நிலையில் விபத்து ஏற்படுவதற்கு முன் ஆபத்தான மரங்களை அகற்ற வனத்துறை நடவடிக்கை எடுக்க வேண்டும் என வாகன ஓட்டிகள் வலியுறுத்தியுள்ளனர்.