கிரிக்கெட் போட்டி: ரத்தினம் சி.சி., மேனகா மில்ஸ் அணிகள் வெற்றி

தேனி : தேனி மாவட்ட கிரிக்கெட் அசோசியேஷன் சார்பில் மாவட்ட அளவிலான கிரிக்கெட் லீக் போட்டிகள் சின்னமனுார் விகாஷா பள்ளி மைதானத்தில் நடந்து வருகிறது. முதலில் பேட்டிங் செய்த காஸ்மோ அணி 31.1 ஓவர்களில் 10 விக்கெட் இழப்பிற்கு 141 ரன்கள் எடுத்தது. விசாகன் 44 ரன்கள் எடுத்தார். தமிழ்அழகன் 4 விக்கெட் வீழ்த்தினார். சேசிங் செய்த ரத்தினம் சி.சி., அணி 31.3 ஓவர்களில் 8 விக்கெட் இழப்பிற்கு 144 ரன்கள் எடுத்து வெற்றி பெற்றது. பாண்டி 49 ரன்கள் எடுத்தார். விசாகன் 5 விக்கெட் வீழத்தினார். மற்றொரு போட்டியில் மேனகா மில்ஸ் ஜூனியர் அணி முதலில் பேட்டிங் செய்தது. அந்த அணி 50 ஓவர்களில் 8 விக்கெட் இழப்பிற்கு 274 ரன்கள் எடுத்தது. ஜீவன் 27, பரதி 51 ரன்கள் எடுத்தனர். சேசிங் செய்த யூத் ஸ்போர்ட்ஸ் கிளப் அணி 31 ஓவர்களில் 147 ரன்களுக்கு அனைத்து விக்கெட்டுகளையும் இழந்து தோல்வியடைந்தது. பாரதி 5 விக்கெட் வீழ்த்தினார்.