கொள்ளம்மா குளம் சீரமைக்கப்படுமா ?

திருவாலங்காடு:திருவாலங்காடு ஒன்றியம், அத்திப்பட்டு ஊராட்சியில், கொள்ளம்மா குளம் அமைந்துள்ளது. பழமையான இந்த குளம் 4 ஏக்கர் பரப்பளவு கொண்டது.இந்த கிராமத்தில் வசிக்கும் 300க்கும் மேற்பட்ட குடும்பங்கள் சேர்ந்தவர்கள் இக்குளத்து நீரையே, சமையல் மற்றும் குடிநீராக பயன்படுத்தி வருகின்றனர்.மாற்று குடிநீர் வசதியாக ஊராட்சி நிர்வாகம் வீடுகளுக்கு குழாய் அமைத்து தந்தும் இந்த குளத்தின் நீரையே குடிக்க, சமைக்க மக்கள் பயன்படுத்தி வருகின்றனர்.இந்நிலையில் 4 ஆண்டுகளுக்கு முன் குளத்தின் ஒருபகுதி படிகள் சரிந்து விழுந்தது. தற்போது குளத்தின் படிகள் சேதமடைந்து உள்ளது.பழமையான குடிநீர் குளத்தை சீரமைக்க மாவட்ட நிர்வாகம் சீரமைக்க நடவடிக்கை எடுக்க வேண்டும் என மக்கள் எதிர்பார்க்கின்றனர்.