ஆதிதிராவிடர் நல குழு உறுப்பினர் நியமனம்
திருவள்ளூர்:திருவள்ளூர் மாவட்டத்தில் ஆதிதிராவிடர் நல குழு உறுப்பினர் நியமனத்திற்கு விண்ணப்பிக்கலாம்.திருவள்ளூர் கலெக்டர் பிரபுசங்கர் விடுத்துள்ள செய்திக்குறிப்பு:திருவள்ளூர் மாவட்டத்தில் ஆதிதிராவிடர் நல குழு புதிதாக அமைக்கப்பட உள்ளது. இதற்காக, உறுப்பினர் தேர்வு செய்யும் பொருட்டு ஆதிதிராவிடர் மற்றும் பழங்குடியின மக்களின் வளர்ச்சிக்காக பாடுபட விருப்பமுள்ள சமூக ஆர்வலர் மற்றும் கல்வியாளர்கள் விண்ணப்பிக்கலாம்.விருப்பம் உள்ளோர், தங்களது சுய விபரம் அடங்கிய விண்ணப்பத்தை மாவட்ட ஆதிதிராவிடர் மற்றும் பழங்குடியினர் நல அலுவலகத்தில் வரும் 25க்குள் நேரடியாகவோ அல்லது தபால் மூலமாகவோ அளிக்கலாம்.இவ்வாறு அதில் கூறப்பட்டுள்ளது.