தேங்காய் கொப்பரை ஏலம்

வெள்ளகோவில்: முத்துார் ஒழுங்குமுறை விற்பனை கூடத்தில் வாரந்தோறும் சனிக்கிழமைகளில் கொப்பரை ஏலம் நடக்கிறது. நேற்று நடந்த கொப்பரை ஏலத்தில், 767 கிலோ தேங்காய் பருப்பை, விவசாயிகள் ஏலத்துக்கு கொண்டு வந்திருந்தனர். அதிகபட்சமாக கிலோ, 220.70 ரூபாய்க்கும், குறைந்த பட்சமாக, 130.20 ரூபாய்க்கும், சராசரியாக 217.20 ரூபாய்க்கு ஏலம் போனது. மொத்தம், 767 கிலோ கொப்பரை ஒரு லட்சத்து, 51 ஆயிரம் ரூபாய்க்கு விற்பனையானது. 38 விவசாயிகள் பங்கேற்றனர். தேங்காய் ஏலத்துக்கு, 73 பேர் நேற்று விற்பனை கூடத்துக்கு, 15,584 தேங்காய்களை கொண்டு வந்தனர். முதல் தரம் கிலோ, 67.20 ரூபாய்க்கும், இரண்டாம் தரம், 57.05 ரூபாய்க்கும், சராசரி, 65.65 ரூபாய்க்கும் ஏலம் போனது. 6.5 டன் விற்பனை தேங்காய்கள் மொத்தம், 4 லட்சத்து, 2 ஆயிரம் ரூபாய்க்கு ஏலம் போனது.