இலவச கண் சிகிச்சை முகாம் 

திருப்பூர், : திருப்பூர் லயன்ஸ் கிளப், மாவட்ட பார்வை இழப்பு தடுப்பு சங்கம், கோவை அரவிந்த் கண் மருத்துவமனை சார்பில், 773 வது இலவச கண் சிகிச்சை முகாம், குமரன் ரோடு, லயன்ஸ் கிளப் அலுவலகத்தில் நேற்று நடந்தது.திருப்பூர், ஸ்ரீ அன்னை அசோசியேட்ஸ் உரிமையாளர் நவநீதகிருஷ்ணன் முகாமை துவக்கி வைத்தார். லயன்ஸ் கிளப் தலைவர் வெள்ளியங்கிரி, செயலாளர்கள் பரமசிவம், கிருஷ்ணமூர்த்தி, பொருளாளர் கோபிநாதன் முன்னிலை வகித்தனர். காலை 8:00 மணி முதல் மதியம், 12:00 மணி வரை நடந்த முகாமில், 169 பேர் பங்கேற்றனர்; உயர்சிகிச்சைக்கு, 43 பேர் பரிந்துரைக்கப் பட்டனர். முகாமில் பங்கேற்றவர்களுக்கு, மதிய உணவு வழங்கப்பட்டது. லயன்ஸ் கிளப் சார்பில், ஒவ்வொரு மாதம் மூன்றாவது ஞாயிற்றுக்கிழமை இலவச கண் சிகிச்சை மற்றும் ஆலோசனை முகாம் நடக்கிறது. அடுத்த முகாம், பிப்., 16ம் தேதி நடக்குமென அறிவிக்கப்பட்டது.