போக்குவரத்து கழகத்தில் தொழில் பழகுனர் சேர்க்கை

திருப்பூர்; சென்னை மாநகர போக்குவரத்து கழக ஐ.டி.ஐ., பிரிவில், தொழில் பழகுனர்களுக்கான சேர்க்கை முகாம், ஏப்., 2ம் தேதி நடைபெற உள்ளது.சென்னை, குரோம்பேட்டையில் உள்ள, மாநகர் போக்குவரத்து கழக தொழிற்பயிற்சி பள்ளியில், ஏப்., 2ம் தேதி காலை, 10:00 மணிக்கு, காலியாக உள்ள பணியிடங்களுக்கு, தகுதியான தொழில்பழகுனர்களை தேர்வு செய்யும் முகாம் நடக்க உள்ளது.மெக்கானிக் மோட்டார் வெய்கிள் -120, மெக்கானிக் டீசல் - 60, எலக்ட்ரீசியன் - 30, ஆட்டோ எலக்ட்ரீசியன் - 35, வெல்டர் -19, பிட்டர் - 40, டர்னர் -1, பெயின்டர் -22 என, மொத்தம், 300 இடங்களுக்கான தொழில் பழகுனர் சேர்க்கை நடக்க உள்ளது.ஒவ்வொரு பிரிவிலும், மாதம், 14 ஆயிரம் ரூபாய் ஊக்கத்தொகை வழங்கப்படும். தொழில் பழகுனர் பயிற்சிக்கான காலியிடங்களை நிரப்பும் வகையில், சிறப்பு முகாம் நடக்கிறது.ஐ.டி.ஐ., தொழிற்பயிற்சி முடித்தவர்கள் பங்கேற்று, பயன்பெறலாம் என, கலெக்டர் தெரிவித்துள்ளார்.