அவலுார்பேட்டையில் இந்தியன் வங்கி கிளை இட மாற்றம்

அவலுார்பேட்டை : அவலுார்பேட்டையில் இந்தியன் வங்கி கிளையை புதிய கட்டடத்தில் அமைச்சர் துவக்கி வைத்தார்.அவலுார்பேட்டையில் கீழ் பென்னாத்துார் சாலையில் செயல்பட்ட இந்தியன் வங்கி , மங்கலம் சாலையில் இடம் மாற்றம் செய்யப்பட்டு துவக்க விழா நேற்று நடந்தது.விழாவிற்கு சென்னை இந்தியன் வங்கி களப்பொது மேலாளர் வெங்கடேசன் தலைமை தாங்கினார்.புதுச்சேரி மண்டல மேலாளர் வெங்கடசுப்ரமணியன் வரவேற்றார்.அமைச்சர் மஸ்தான் குத்து விளக்கேற்றி வங்கி கட்டடத்தை துவக்கி , 59.50 லட்சம் ரூபாய் மதிப்பீட்டில் பயனாளிகளுக்கு கடன் உதவிகளை வழங்கினார்.இதில் ஒன்றிய சேர்மன் கண்மணிநெடுஞ்செழியன், துணை சேர்மன் விஜயலட்சுமி, மாவட்ட கவுன்சிலர்கள் சாந்தி, செல்வி, ஒன்றிய கவுன்சிலர்கள் நெடுஞ்செழியன், ஷாகினர்ஷத், ஊராட்சி தலைவர் செல்வம் , வங்கி அதிகாரிகள், பணியாளர்கள் உள்ளிட்ட பலர் கலந்து கொண்டனர்.கிளை மேலாளர் ரஞ்சித்குமார் நன்றி கூறினார்.