தென்பேர் அரசு மேல்நிலைப் பள்ளியில் தினமலர் - பட்டம் இதழ் வழங்கல்

விக்கிரவாண்டி : தென்பேர் அரசு மேல்நிலைப்பள்ளியில் மாணவர்களுக்கு, 'தினமலர் -பட்டம்' இதழ் வழங்கும் நிகழ்ச்சி நடந்தது. மாணவர்களுக்கு பொது அறிவு திறனை மேம்படுத்தவும், விஞ்ஞான வளர்ச்சி, புதிய கண்டுபிடிப்புகள், வாசிப்பு திறன் அதிகரிக்கும் வகையிலும், அரசின் போட்டி தேர்வுகளை எதிர்கொள்ளவும் மாணவர்களை தயார் படுத்தும் விதத்தில் 'தினமலர் - பட்டம்' இதழ் வெளியிடப்படுகிறது. மாணவர்கள் ஆர்வமுடன் பட்டம் இதழை படித்து பயன்பெறுகின்றனர். தென்பேர் அரசு மேல்நிலைப்பள்ளியில் மாணவர்களுக்கு, 'தினமலர் -பட்டம்' இதழ் வழங்கும் நிகழ்ச்சி நடந்தது. தலைமையாசிரியை ராதா தலைமை தாங்கினார். உதவி தலைமையாசிரியை சகீதா வரவேற்றார். ஒன்றிய துணைச் சேர்மன் ஜீவிதா ரவி, பட்டம் இதழை வழங்கி பேசினார். ஆத்மா குழு தலைவர் வேம்பி ரவி, முன்னாள் கவுன்சிலர் புனிதா ராமமூர்த்தி, ஆசிரியர்கள் பழனிவேல், லதா, கவுசல்யா, மீரா தேவி, மணிமொழி, கலைச்செல்வி, வான்மதி பங்கேற்றனர்.