கிளியனுார் மேற்கு ஒன்றிய பொறுப்பாளர் மாவட்ட பொறுப்பு அமைச்சரிடம் வாழ்த்து

வானுார் : கிளியனுார் மேற்கு ஒன்றியத்தில் புதியதாக நியமிக்கப்பட்ட தி.மு.க.,பொறுப்பாளர், மாவட்ட பொறுப்பு அமைச்சரை சந்தித்து வாழ்த்து பெற்றார். கிளியனுார் மேற்கு ஒன்றிய தி.மு.க., பொறுப்பாளராக புஷ்பராஜ் நியமிக்கப்பட்டுள்ளார். இவர் நேற்று விழுப்புரம் மாவட்ட பொறுப்பு அமைச்சர் பன்னீர்செல்வத்தை நேரில் சந்தித்து வாழ்த்து பெற்றார்.நிகழ்ச்சியில் விழுப்புரம் மத்திய மாவட்ட பொறுப்பாளர் லட்சுமணன் எம்.எல்.ஏ., முன்னாள் எம்.எல்.ஏ.,க்கள் மாரிமுத்து, புஷ்பராஜ், கண்டமங்கலம் ஒன்றிய சேர்மன் வாசன், முன்னாள் ஒன்றிய சேர்மன் சிவா, மாவட்ட கவுன்சிலர் கவுதம், மாவட்ட பிரதிநிதி சிவக்குமார், மாவட்ட பொருளாளர் பழனி, கிளியனூர் ஊராட்சி மன்ற தலைவர் வேலு, முன்னாள் ஊராட்சி மன்ற தலைவர்கள் தட்சிணாமூர்த்தி, அழகேசன், தேற்குணம் கவுன்சிலர் ஏழுமலை, ஒன்றிய விசவாய அணி செயலாளர் கிருஷ்ணராஜ் உள்ளிட்டோர் உடனிருந்தனர்.