புயல் நிவாரண உதவி எம்.எல்.ஏ., தொடங்கி வைப்பு
விழுப்புரம்: விழுப்புரம் அடுத்த அய்யங்கோவில்பட்டு, முத்தாம்பாளையம் ஊராட்சிகளில், மழை வெள்ளத்தில் பாதிக்கப்பட்ட மக்களுக்கு, அரசின் நிவாரண உதவித்தொகை வழங்கப்பட்டது.லட்சுமணன் எம்.எல்.ஏ., பாதிக்கப்பட்ட அனைத்து குடும்பத்தினருக்கும் 2,000 ரூபாய் நிவாரண உதவித்தொகை வழங்கி தொடங்கி வைத்தார். மேலும், 5 கிலோ அரிசி, 1 கிலோ துவரம் பருப்பு, 1 கிலோ சர்க்கரை உள்ளிட்ட நலத்திட்ட உதவிகளையும் வழங்கினார்.ஆர்.டி.ஓ., முருகேசன், ஒன்றிய சேர்மன் சச்சிதானந்தம், துணை சேர்மன் உதயகுமார், தி.மு.க., ஒன்றிய செயலாளர் மும்மூர்த்தி, துணைச் செயலாளர் ஜெயா பன்னீர்செல்வம், கிளைச் செயலாளர் ராஜேந்திரன் மற்றும் ஊராட்சி தலைவர்கள், தி.மு.க., நிர்வாகிகள் பங்கேற்றனர்.