கிரீன் பாரடைஸ் பள்ளியில் விளையாட்டு விழா

திண்டிவனம்: திண்டிவனம் அடுத்த ரெட்டணை கிரீன் பாரடைஸ் சி.பி.எஸ்.இ., மேல்நிலைப் பள்ளியில் 8வது ஆண்டு விளையாட்டு விழா நடந்தது. பள்ளி தாளாளர் சண்முகம் தலைமை தாங்கி விழாவை துவக்கி வைத்தார். சிறப்பு விருந்தினர் திரைப்பட சண்டை பயிற்சியாளர் ஜாகுவார் தங்கம் ஒலிம்பிக் தீபத்தினை ஏற்றி வைத்து விளையாட்டு மற்றும் தற்காப்பின் முக்கியத்துவம் குறித்து மாணவர்களுக்கு எடுத்துரைத்தார். விளையாட்டு விழாவை முன்னிட்டு மாணவர்களின் பரதம், கோலாட்டம், யோகா, பிரமிட், சிலம்பம், ஏரோபிக், லெசிம் , புலியாட்டம், நாட்டுப்புற நடனம் உள்ளிட்ட பல்வேறு நிகழ்ச்சிகள் நடந்தது. பள்ளியின் முதன்மை இயக்குனர் வனஜா வரவேற்றார். செயலாளர் சந்தோஷ் மற்றும் நிர்வாக இயக்குனர் கார்த்திகேயன் ஆகியோர் வெற்றி பெற்ற மாணவர்களுக்கு பரிசு வழங்கினர். பள்ளி முதல்வர் சங்கீதா கோபிநாத் நன்றி கூறினார்.