கிணற்றில் குதித்து மாணவர் தற்கொலை

வானுார்; கிளியனுாரில் பிளஸ் 1 மாணவர் கிணற்றில் குதித்து தற்கொலை செய்து கொண்டது குறித்து போலீசார் விசாரித்து வருகின்றனர்.கிளியனுார், காடான்குளம் பகுதியைச் சேர்ந்தவர் ஏழுமலை மகன் ஸ்ரீராமன், 15; கிளியனுார் அரசு மேல்நிலைப் பள்ளியில் பிளஸ் 1 படித்து வந்தார். நேற்று முன்தினம் பள்ளியில் இருந்து வீட்டிற்கு வந்தவர், தனது தாய் மணிமேகலையிடம் இனி நான் பள்ளிக்குச் செல்ல மாட்டேன், எனக்கு பிடிக்கவில்லை எனக்கூறியுள்ளார்.இந்நிலையில், நள்ளிரவு 12:00 மணிக்கு, மணிமேகலை எழுந்து பார்த்தபோது ஸ்ரீராமனை காணவில்லை. உடன் அப்பகுதியில் தேடிப் பார்த்தனர்.அப்போது அதே பகுதியில் உள்ள பொது கிணற்றில் ஸ்ரீராமன் உடல் கண்டெடுக்கப்பட்டது.கிளியனுார் போலீசார் சென்று ஸ்ரீராமன் உடலை மீட்டு, வழக்குப் பதிந்து அவரது தற்கொலைக்கான காரணம் குறித்து விசாரித்து வருகின்றனர்.