வாக்குசாவடி நிலை அலுவலர்களுக்கு பயிற்சி

விக்கிரவாண்டி : விக்கிரவாண்டி தொகுதியில் வாக்குச்சாவடிநிலை அலுவலர்களுக்கான பயிற்சி முகாம் நடந்தது.வருவாய் துறை சார்பில், விக்கிரவாண்டி, தனியார் திருமண மண்டபத்தில் நடந்த முகாமிற்கு தொகுதி தேர்தல் அலுவலர் சந்திரசேகரன் தலைமை தாங்கினார்.தாசில்தார் செல்வமூர்த்தி, தனி தாசில்தார் வேல் முருகன் முன்னிலை வகித்தனர். மண்டல துணை தாசில்தார் தட்சிணாமூர்த்தி வரவேற்றார். தேர்தல் துணை தாசில்தார் பாரதிதாசன், தொகுதியிலுள்ள வாக்குச்சாவடி நிலை அலுவலர்களுக்கு தேர்தல் குறித்த பயிற்சி அளித்து பேசினார். வட்ட வழங்கல் அலுவலர் ராஜேஷ் , வருவாய் ஆய்வாளர்கள் தமிழரசன், விஜயலட்சுமி, தேவசேனா, ராஜலட்சுமி மற்றும் தொகுதியிலுள்ள அனைத்து வாக்குச்சாவடி அலுவலர்கள் பயிற்சியில் பங்கேற்றனர்.