விழுப்புரம் மத்திய மாவட்ட தி.மு.க., ஆலோசனை கூட்டம்

விழுப்புரம் : விழுப்புரத்தில் மத்திய மாவட்ட தி.மு.க., சார்பில் நிர்வாகிகள் ஆலோசனை கூட்டம் இன்று நடக்கிறது. மாவட்ட பொறுப்பாளர் லட்சுமணன் எம்.எல்.ஏ., அறிக்கை: விழுப்புரம் மத்திய மாவட்ட தி.மு.க., சார்பில், வாக்குச்சாவடி முகவர்கள் மற்றும் தேர்தல் பணிக்குழு ஒருங்கிணைப்பாளர்கள் மற்றும் பணிக்குழு உறுப்பினர்கள் ஆலோசனை கூட்டம் நடக்கிறது. இன்று காலை 10:00 மணிக்கு, கலைஞர் அறிவாலயத்தில், விழுப்புரம் சட்டசபை தொகுதிக்கு உட்பட்ட வாக்குச்சாவடி முகவர்கள் மற்றும் தேர்தல் பணிக்குழு ஒருங்கிணைப்பாளர்களுக்கு ஆலோசனை கூட்டம் நடத்தப்படுகிறது. தொடர்ந்து, மதியம் 2:00 மணிக்கு வழுதாவூர், சாமிக்கண்ணு லட்சுமி அம்மாள் மண்டபத்தில், வானுார் தொகுதிக்கு உட்பட்ட வாக்குச்சாவடி முகவர்கள் மற்றும் தேர்தல் பணிக்குழு ஒருங்கிணைப்பாளர்கள் ஆலோசனைக் கூட்டம் நடக்கிறது. மத்திய மாவட்ட பொறுப்பாளர் லட்சுமணன் எம்.எல்.ஏ., தலைமையில் நடைபெறும் இக்கூட்டத்தில், மாநில நிர்வாகிகள், மாவட்ட பொறுப்புக்குழு உறுப்பினர்கள், ஒன்றிய, நகர, பேரூர் செயலாளர்கள், ஒன்றிய, நகர, பொறுப்புக்குழு உறுப்பினர்கள், நிர்வாகிகள், தலைமை செயற்குழு, பொதுக்குழு உறுப்பினர்கள், வாக்குச்சாவடி முகவர்கள், தேர்தல் பணிக்குழு ஒருங்கிணைப்பாளர்கள் தவறாமல் கலந்துகொள்ள வேண்டும். இவ்வாறு, அவர் தெரிவித்துள்ளார்.