டில்லியில் குடியரசு தின அணிவகுப்பு கலசலிங்கம் பல்கலை மாணவர் தேர்வு

ஸ்ரீவில்லிபுத்தூர்: டில்லியில் 2025 ஜன.26ல் நடக்கும் குடியரசு தின விழா அணிவகுப்பில் பங்கேற்க கலசலிங்கம் பல்கலைக்கழக மாணவர் விக்னேஷ் தேர்வு பெற்றுள்ளார்.கலசலிங்கம் பல்கலைக்கழகத்தில் பி.காம் மூன்றாவது ஆண்டு படிக்கும் மாணவர் விக்னேஷ். நாட்டு நலப்பணித்திட்ட மாணவரான இவர் கர்நாடக மாநிலம் தாவணிக்கரேவில் நடந்த மாணவர் தேர்வில் பங்கேற்று குடியரசு தின விழா அணிவகுப்பில் பங்கேற்க தேர்வு பெற்றார். இதற்கான ஆணையை மண்டல இயக்குனர் சாமுவேல் செல்லையா, மாணவருக்கு வழங்கினார்.மாணவர் விக்னேஷை வேந்தர் ஸ்ரீதரன், இணைவேந்தர் அறிவழகி, துணைத்தலைவர் சசி ஆனந்த், துணைவேந்தர் நாராயணன், பதிவாளர் வாசுதேவன், டீன் கணேசன், துறைத் தலைவர் கார்த்திக், என்.எஸ்.எஸ். ஒருங்கிணைப்பாளர் ராஜ் பிரதேஷ், அலுவலர் கருப்பசாமி ஆகியோர் பாராட்டினார்.