இருவழிப் பாதை பணி: பொறியாளர்கள் ஆய்வு

விழுப்புரம்;செங்கல்பட்டு- முண்டியம்பாக்கம் வரை முடிந்துள்ள, முதற்கட்ட இருவழி ரயில் பாதைக்கான பணிகளை, சென்னை பொறியாளர்கள் திடீர் ஆய்வு செய்தனர்.செங்கல்பட்டு- விழுப்புரம் வரை, இருவழி தண்டவாளப் பாதைக்கான பணிகள் மேற்கொள்ளப்பட்டு வருகின்றன. முண்டியம்பாக்கம் வரையிலும் முடிவடைந்துள்ள பணிகளை, சென்னை பொறியியல் பிரிவைச் சேர்ந்த ஐவர் அடங்கிய குழு, நேற்று மாலை 3 மணியளவில், திடீர் ஆய்வு செய்தது.ஓ.எச்.இ.,(ஓவர் ஹைட் எக்யூப்மென்ட்) சிறப்பு ரயில் பெட்டி மூலம், இக்குழுவினர் ஆய்வு நடத்தினர். இதில், இருவழிப் பாதை தண்டவாளத்தில், ரயில் செல்லக்கூடிய வேக அளவு, மேற்புறம் இணைக்கப்பட்டுள்ள மின் பகிர்மான அளவு (வார்ட்ஸ்), ஆகியவை கண்டறியப்பட்டன.