தடுப்புக்கட்டையில் கார் மோதி சென்னையை சேர்ந்தவர் பலி

மயிலம்: மயிலம் அருகே தேசிய நெடுஞ்சாலை தடுப்புக்கட்டையில் கார் மோதிய விபத்தில், சென்னையை சேர்ந்தவர் உயிரிழந்தார்.சென்னை, அயனாவரம் பகுதியை சேர்ந்தவர் அஸ்வின்குமார், 40; இவர், சென்னையில் இருந்து திருச்சிக்கு 'டயோடா இட்டியாஸ்' காரில் நேற்று சென்றுகொண்டிருந்தார். சீட்பெல்ட் அணியவில்லை. மதியம் 12:30 மணியளவில் ஜக்கம்பேட்டை கோர்ட் வளாகம் எதிரே வந்தபோது, கட்டுப்பாட்டை இழந்த கார், சாலை தடுப்புக்கட்டையில் மோதியது.இந்த விபத்தில் அஸ்வின்குமார், பலத்த காயமடைந்தார். உடன், அவரை திண்டிவனம் அரசு மருத்துவமனையில் சேர்த்தனர். அங்கு இறந்தார்.மயிலம் போலீசார் வழக்கு பதிந்து விசாரித்து வருகின்றனர்.