சென்னை - பித்ரகுண்டா ரயில்கள் 20 நாட்களுக்கு ரத்து

சென்னை : ரயில் பாதை மேம்பாட்டு பணி காரணமாக, சென்னை சென்ட்ரல் - ஆந்திர மாநிலம் பித்ரகுண்டா விரைவு ரயில்கள், 20 நாட்களுக்கு ரத்து செய்யப்படுகின்றன.இது குறித்து, தெற்கு ரயில்வே நேற்று வெளியிட்ட செய்திக்குறிப்பு: ஆந்திர மாநிலம் விஜயவாடா கோட்டத்தில், ரயில் பாதை பராமரிப்பு பணி வரும் 27ம் தேதி முதல் ஜூன் 23ம் தேதி வரை நடக்கிறது. இதனால், இந்த தடத்தில் செல்லும் ரயில்களின் சேவையில் மாற்றம் செய்யப்பட்டுள்ளது. பித்ரகுண்டா - சென்னை சென்ட்ரல் அதிகாலை 4:55 மணி ரயில், வரும் 27, 28, 29, 30, 31, ஜூன் 3, 4, 5, 6, 7, 10, 11, 12, 13, 14, 17, 19, 19, 20, 21ம் தேதிகளில் ரத்து செய்யப்படுகிறது சென்னை சென்ட்ரல் - பித்ரகுண்டா மாலை 4:30 மணி ரயில், வரும் 27, 28, 29, 30, 31, ஜூன் 3, 4, 5, 6, 7, 10, 11, 12, 13, 14, 17, 18, 19, 20, 21ம் தேதிகளில் ரத்து செய்யப்படுகிறது. இவ்வாறு அதில் கூறப்பட்டுள்ளது.