மீண்டும் குறைந்தது தங்கம் விலை: ஒரு சவரன் ரூ.51,320க்கு விற்பனை

சென்னை: சென்னையில் இன்று (ஜூலை 29) ஆபரண தங்கத்தின் விலை சவரனுக்கு 400 ரூபாய் குறைந்துள்ளது. ஒரு சவரன் தங்கம், 51,320 ரூபாய்க்கு விற்பனையாகிறது. ஒரு கிராம் 6,415 ரூபாய்க்கு விற்பனை செய்யப்படுகிறது. மத்திய பட்ஜெட்டில் தங்கம் மற்றும் வெள்ளி மீதான சுங்க வரி 15 சதவீதத்தில் இருந்து 6 சதவீதமாக குறைக்கப்பட்டது. இதனால் தங்கம் விலையானது கிடு, கிடுவென குறைந்தது. திடீரென, கடந்த ஜூலை 27ம் தேதி தங்கம் கிராமுக்கு ரூ.50 உயர்ந்து ரூ.6,465க்கும், சவரனுக்கு ரூ.400 உயர்ந்து ரூ.51,720க்கு விற்பனையானது. இந்நிலையில், இன்று(ஜூலை 29) மீண்டும் தங்கத்தின் விலை குறைந்து பொதுமக்களுக்கு இன்ப மகிழ்ச்சி கொடுத்துள்ளது. ஒரு கிராமுக்கு 50 ரூபாய் குறைந்து, 6,415 ரூபாய்க்கு விற்பனையாகிறது. ஒரு சவரன் 51,320 ரூபாய்க்கு விற்பனை செய்யப்படுகிறது.

வெள்ளி விலை

வெள்ளி விலை ஒரு கிராமுக்கு 50 காசுகள் உயர்ந்து, ரூ.89.50க்கு விற்பனை செய்யப்படுகிறது.