இந்த வார கொலை பட்டியல்

19.8.24 முதல் 24.8.24 வரை சென்னை கோடம்பாக்கம் வரதராஜப்பேட்டை, மூப்பன் மேஸ்திரி தெருவை சேர்ந்தவர் ஸ்டீபன் எட்வர்டு. தன்னை கேலி, கிண்டல் செய்யும் நபர்களை கண்டிக் காததால், மகன் சர்வின் அஜய்குமாரால் கொல்லப்பட்டார் சென்னை கோடம்பாக்கத்தை சேர்ந்த கன்னியப்பன், அதே பகுதியில், போதை பொருள் விற்ற மலாங் என்பவரை மிரட்டி, பணம் பறித்து வந்ததால் கொல்லப்பட்டார் சென்னை வியாசர்பாடி பி.வி.காலனியை சேர்ந்த ரவுடி ஆசைத்தம்பி, மாமூல் கேட்டு மிரட்டியதால், அதே பகுதியில் தோழி வீட்டில் துாங்கிய போது, மர்ம நபர்கள் ஐந்து பேரால் கொடூரமாக கொல்லப்பட்டார் திருநெல்வேலி மாவட்டம் ஆரோக்கியநாதபுரத்தில், பிரச்னைக்குரிய இடத்தை, 'பொக்லைன்' இயந்திரம் வாயிலாக சமப்படுத்திய போது, அங்கு வந்த மர்ம கும்பலால், துாத்துக்குடி மாவட்டம் புளியங்குளத்தைச் சேர்ந்த வழக்கறிஞர் சரவணராஜ் கொல்லப்பட்டார் சென்னை திருவல்லிக்கேணி பல்லவன் சாலை, எஸ்.எம்.நகரைச் சேர்ந்த மணிவண்ணன், தன் மனைவி நாகம்மையுடன் மது அருந்தினார். அப்போது, மனைவியை உல்லாசத்திற்கு அழைத்த போது ஏற்பட்ட தகராறில், நாகம்மையால் தாலி கயிற்றால் கழுத்தை இறுக்கி மணிவண்ணன் கொல்லப்பட்டார் கள்ளக்குறிச்சி மாவட்டம் புல்லுார் கிராமத்தைச் சேர்ந்த ரமணி என்ற வங்கி அதிகாரி, தன் இரண்டாவது கணவர் அசோக் என்பவரால், முகம் சிதைக்கப்பட்டு கொல்லப்பட்டார் கடலுார் மாவட்டம் வடலுாரைச் சேர்ந்த ராஜேஸ்வரி, கணவருடன் ஏற்பட்ட கருத்து வேறுபாடு காரணமாக, தாய் வீட்டிற்கு வந்தவர், தகாத உறவுக்கு இடையூறாக இருந்த, தன் ஐந்து மாத குழந்தையை கொன்று, கழிவுநீரில் வீசியுள்ளார் சென்னை அயப்பாக்கத்தைச் சேர்ந்த காளிதாஸ், ஜெ.ஜெ.நகரில் நண்பர் மணிகண்டனுடன் மது குடித்தார். அப்போது தகராறு ஏற்பட்டு, மணிகண்டனால் கத்தியால் குத்தப்பட்டு காளிதாஸ் கொல்லப்பட்டார் சென்னை அம்பத்துார் காவல் நிலையம் அருகே, மூடிக் கிடக்கும் தனியார் தொழிற்சாலையில், தஞ்சாவூர் மாவட்டத்தைச் சேர்ந்த சரண்யா, தன் தகாத உறவு காதலனால் கத்தியால் குத்தி கொல்லப்பட்டார்.