108 ஆம்புலன்ஸ் ஊழியர்கள் போராட்டம்

சென்னை: சென்னை, எழும்பூர் ராஜரத்தினம் அரங்கம் அருகே, ஊதிய உயர்வு, தீபாவளி போனஸ் வழங்கக் கோரி, '108' ஆம்புலன்ஸ் தொழிற்சங்கங்களின் கூட்டமைப்பினர், நேற்று ஆர்ப்பாட்டத்தில் ஈடுபட்டனர். இதுகுறித்து, கூட்டமைப்பினர் கூறியதாவது: மக்களின் உயிர் காக்கும் பணி செய்யும் எங்களுக்கு, நியாயமாக ஆண்டுதோறும் ஊதிய உயர்வு வழங்க வேண்டும். தீபாவளி போனஸ், 18,000 ரூபாய் வழங்க வேண்டும். மருத்துவ காப்பீட்டு தொகையை, 2 லட்சம் ரூபாயில் இருந்து, 10 லட்சமாக உயர்த்தி வழங்க வேண்டும். தமிழக அரசு ஆம்புலன்ஸ் திட்டங்களில் பணியாற்றும் தொழிலாளர்களுக்கு, வருங்கால வைப்பு நிதி கணக்குகளை, ஆந்திரா மாநிலத்திற்கு மாற்றியதை திரும்ப பெற வேண்டும். இவ்வாறு அவர்கள் கூறினர்.