உள்ளூர் செய்திகள்

/ செய்திகள் / தமிழகம் / ஜி பேயில் ரூ. 50 லஞ்சம் பெற்ற ஏட்டு ஆயுதப்படைக்கு மாற்றம்!

ஜி பேயில் ரூ. 50 லஞ்சம் பெற்ற ஏட்டு ஆயுதப்படைக்கு மாற்றம்!

மயிலாடுதுறை: சோதனைச்சாவடி வழியாக சென்ற வாகன ஓட்டியிடம் ரூ.50 லஞ்சம் பெற்ற போலீஸ் ஏட்டு ஆயுதப்படைக்கு மாற்றப்பட்டார்.மயிலாடுதுறை மாவட்டத்தில் குற்ற சம்பவங்கள், சட்டவிரோத கடத்தலை தடுக்க மயிலாடுதுறை, திருவாரூர் மாவட்ட எல்லை பெரம்பூர் போலீஸ் சரகம் கழனிவாசல் என்ற இடத்தில் சோதனை சாவடி அமைத்து 24 மணி நேரமும் போலீசார் கண்காணித்து வருகின்றனர்.இந்நிலையில் கடந்த இரு தினங்களுக்கு முன்பு இந்த சோதனைச்சாவடி வழியே சென்ற லாரியை நிறுத்தி, அதில் வந்த அகர ஆதனூர் கிராமத்தைச் சேர்ந்த மதன்மோகன் என்பவரிடம் ஜி பே மூலம் ரூ 50 லஞ்சம் பெறப்பட்டதாக கூறப்படுகிறது. இது குறித்து மதன்மோகன் பெரம்பூர் போலீஸ் ஸ்டேஷனில் புகார் தெரிவித்துள்ளார்.அதை தொடர்ந்து, அவருக்கு பணம் திருப்பி அனுப்பப்பட்டதாக கூறப்படுகிறது. இது குறித்து விசாரணை நடத்திய மாவட்ட எஸ்.பி., சினேகா பிரியா உத்தரவின் பேரில் கழனிவாசல் சோதனை சாவடியில் பணியில் இருந்த ஏட்டு தெய்வசிந்தாமணி ஆயுதப்படைக்கு மாற்றப்பட்டார்.அவருடன் பணியில் இருந்த ஊர்க்காவல் படை காவலர் கலியபெருமாள் என்பவரிடம் போலீசார் விசாரணை மேற்கொண்டுள்ளனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 3 )

GMM
ஜூலை 26, 2026 08:04

சட்டத்தில் அல்லது அமுல் படுத்தும் முறையில் குற்றம் மீது கடுமை இல்லை என்றால் கட்டுபடுத்த முடியாது. 50 லட்சம் பெரிய தொகை. Organised crime- ஏட்டு ஆயுத படைக்கு மாற்றம் செய்வதை விட சாவடியில் போலீஸ் அதிகாரம் குறைக்க வழிமுறை வகுக்க வேண்டும். போலீஸ் காவல் புரிய தான். ஆனால், திமுக, அண்ணா திமுக அரசு குமாஸ்தா போல் கிளார்க் வேலை பார்க்க ஆரம்பித்து விட்டது. தேசிய நெடுஞ்சாலை டோல் கேட்டில் லஞ்ச புழக்கம் இல்லை.


Natarajan
ஜூலை 25, 2026 23:02

Should be dismissed, outright. Period.


Ramesh Sargam
ஜூலை 25, 2026 21:23

ஆயுதப்படைக்கு மாற்றம்... அது ஒரு தண்டனையா? அது போகட்டும். வாங்கிய லஞ்சப்பணம் எங்கே? அது அவரிடமிருந்து முதலில் பறிமுதல் செய்யப்படவேண்டும். அவருக்கு மாற்றத்தைவிட்டு வேறு ஒரு தண்டனை கொடுக்கப்படவேண்டும், சட்டத்தின் மூலமாக.


புதிய வீடியோ