உள்ளூர் செய்திகள்

/ செய்திகள் / தமிழகம் / சென்னையில் பெய்தது மேகவெடிப்பா, இல்லையா? வானிலை ஆய்வு மையம் சொல்வது இதுதான்

சென்னையில் பெய்தது மேகவெடிப்பா, இல்லையா? வானிலை ஆய்வு மையம் சொல்வது இதுதான்

சென்னையில் பல்வேறு இடங்களில் நேற்றிரவு திடீரென கனமழை கொட்டித் தீர்த்தது. திருவான்மியூர், பாலவாக்கம், நீலாங்கரை, தரமணி, துரைப்பாக்கம், பெருங்குடி, வடசென்னையில் பல பகுதிகளில் மழை பெய்தது. அதிகளவாக பாரிமுனையில் 361 மிமீ மழை பதிவானது.எதிர்பாராத தருணத்தில் பெய்து தள்ளிய மழையால் மக்களின் அன்றாட வாழ்க்கை பாதிக்கப்பட்ட போதிலும், திடீர் மழைக்கு மேகவெடிப்புதான் காரணம் என்று பரவலாக பேச்சுகள் எழுந்தன. மேகவெடிப்பால், வானம் பொத்துக் கொண்டு மழை பெய்ததாகவும் மக்கள் பேச ஆரம்பித்தனர்.திடீர் கனமழை மேகவெடிப்பால் நிகழ்ந்தது இல்லை என்று வானிலை ஆய்வு மையம் விளக்கம் அளித்து உள்ளது. வானிலை மையம் கூறியிருப்பதாவது; வட தமிழகத்திலும், அதனை ஒட்டிய தென்கடலோர ஆந்திராவிலும் மேலடுக்கு சுழற்சி நிலவியது. சென்னை மற்றும் அதன் புறநகர் பகுதிகளில் பெருமழை கொட்டியது. வெப்பச்சலன மேகங்கள் உருவாகி தீவிரம் அடைய, வளி மண்டலத்தில் நிலவிய சாதகமாக சூழல்களே இதற்கு காரணம்.20 முதல் 30 சதுர கிமீ பரப்பளவில் 1 மணி நேரத்தில் 100 மிமீ அல்லது அதற்கு அதிகமாக மழை பெய்தால் மட்டுமே அது மேகவெடிப்பாகும். வானிலையில் காணப்பட்ட சூழல், மழையின் தன்மை ஆகியவற்றை கணித்து பார்க்கும் போது மேகவெடிப்பு ஏற்படவில்லை.இவ்வாறு வானிலை மையம் கூறி உள்ளது.

மேகவெடிப்பு என்றால் என்ன?

சென்னைக்கு அருகில் இருக்கும் மேலடுக்கு காற்றின் சுழற்சியால் ஒரு குவிதல் உருவானது. பொதுவாகவே காற்று குவிதல் இருக்கும் தருணங்களில் மேகக்குவியல்கள் காற்றுக்குவியல்களை நோக்கி வரும். அப்போது மழையின் தன்மை மிகையாக கருதப்படும். இதுதான் சென்னையில் நேற்று நிகழ்ந்த வானிலை மாற்றம். நேற்றும், அதற்கு முந்தைய நாளும் சென்னையில் காற்றுக்குவிதல், காற்றுச்சுழற்சி இருந்தது. ஒரு மணி நேரத்தில் 10 செமீ.க்கு (100மிமீ) மேல் மழை பதிவானால் மட்டுமே மேகவெடிப்பாக கருதப்படுகிறது. ஆனால் இப்படி ஒரு தருணம் சென்னையில் நேற்று 3 முதல் 4 மணிநேரம் நீடித்தது. அதுவே மேக வெடிப்பு இல்லை என்பதற்கான காரணமாக அறியலாம். பெரும்பாலும் இதுபோன்ற நிகழ்வுகளுக்கு கடல் வெப்பம் ஒரு காரணம் ஆகும். வங்கக்கடலில் 31 டிகிரி செல்சியஸ் கடல் வெப்பம் இருக்கிறது. அதிக வெப்பம் இருந்தால் அதிக ஈரப்பதமும், அதன் தொடர்ச்சியாக அதிக மழையும் கிடைக்கும். பசிபிக் பெருங்கடல் மட்டுமல்லாது, இந்திய பெருங்கடலிலும் கடலின் வெப்பம் தற்போது அகிகமாகவே இருக்கிறது. இதுவே கனமழை என்ற நிகழ்வை அதிகனமழை நிகழ்வாக மாற்றுகிறது.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 6 )

Kasimani Baskaran
அக் 19, 2026 04:12

வெடிப்போ, கடிப்போ பிரச்சினை இல்லை. நீர் நிலைகளை ஆக்கிரமித்தது பெரிய பிரச்சினை. அதை ஒருவரும் புரிந்து கொள்ளவில்லை என்பதுதான் வேதனை.


பிரேம்ஜி
அக் 19, 2026 07:25

சரியாகச் சொன்னீர்கள் அய்யா!


D.Ambujavalli
அக் 18, 2026 18:47

'அந்த'. 4000. போன. வருஷத்துக்கு. சரி. போயிந்தி இந்த. வருஷம். 7000. கோடி. வேணும் நல்ல அரசு, நல்ல மாநகராட்சி இருக்கவே இருக்கு, 'போன திமுக. ஆட்சியின். ஊழல்'. பல்லவி இன்னும். நாலரை. வருஷம். பாடிவிட்டு. அடுத்த. தேர்தல். பிரச்சாரத்திலும். இதே. மனிபெஸ்டோ. வுடன். வருவோம்


Palanisamy Sekar
அக் 18, 2026 16:26

திமுக ஸ்டாலின் ஆட்சி இல்லை என்றதும் இந்த மழைகூட தாறுமாறாக பெய்கின்றதே. நல்லவேளை மேயர் பிரியா அக்கா இருப்பதால் கொஞ்சம் நிதானித்து பெய்தது மழை. எங்கே அந்த மழையை ரோட்டில் தேங்கி நிற்க சொல்லுங்களேன் பார்ப்போம். அந்த 4000 கோடி ரூபாயை வைத்து மழை நீர் வடிகால் அமைத்த காரணத்தால் மழை நீர் தேங்கி நிற்க பயந்துபோய் ஓடிவிட்டது என்று சவுக்கு சங்கர் திமுகவை பாராட்டி யூடியூப்பில் பாராட்டு மழையை கொட்டப்போகிறார்.


வில்லிபுத்தூரான்
அக் 18, 2026 17:29

கால்வாயில் எங்க அக்கா கொசுவலை மாட்டியுள்ளார்.மேலும் நறுமணப் பொடி உள்ளதால் வாடை வராது நீர் தேங்காது 97% பணிகள் முடியும் நிலையில் உள்ளன எனும் வாசகத்தை இன்று ரொக்கம் நாளை கடன் எனும் வாசகம் போல் தினமும் படிக்கவும்.ஆற்காட் சாலையில் வள்சர்வாக் வளசரவாக்கம் பகுதியில் இன்னமும் வடி நீர் கால்வாய் பணி முடியவில்லையே என கேட்காதீர்கள்.ரெயின் ரெயின் சம் டே கம்மிங் கோயிங்.அம்ப்ரல்லா பிடிங்கோ ஆல் ப்ராப்ளம் சால்வ்ட். அந்த ஏரியா ல பள்ளம் இருக்கு சோ டூ வீலர் , வாக்கிங் பர்சன் வில்ந்தா தூக்கிவிட ஆள் போட்றோம் டெண்டர் விடுது.அண்டர் டேபிள் கட்டிங் வருது.இப்போ ரெயின் கம்மிங்.நான் போகுது.


வில்லிபுத்தூரான்
அக் 18, 2026 17:29

கால்வாயில் எங்க அக்கா கொசுவலை மாட்டியுள்ளார்.மேலும் நறுமணப் பொடி உள்ளதால் வாடை வராது நீர் தேங்காது 97% பணிகள் முடியும் நிலையில் உள்ளன எனும் வாசகத்தை இன்று ரொக்கம் நாளை கடன் எனும் வாசகம் போல் தினமும் படிக்கவும்.ஆற்காட் சாலையில் வள்சர்வாக் வளசரவாக்கம் பகுதியில் இன்னமும் வடி நீர் கால்வாய் பணி முடியவில்லையே என கேட்காதீர்கள்.ரெயின் ரெயின் சம் டே கம்மிங் கோயிங்.அம்ப்ரல்லா பிடிங்கோ ஆல் ப்ராப்ளம் சால்வ்ட். அந்த ஏரியா ல பள்ளம் இருக்கு சோ டூ வீலர் , வாக்கிங் பர்சன் வில்ந்தா தூக்கிவிட ஆள் போட்றோம் டெண்டர் விடுது.அண்டர் டேபிள் கட்டிங் வருது.இப்போ ரெயின் கம்மிங்.நான் போகுது.


அதிகம் விமர்ச்சிக்கப்பட்டவை