ஓ.பி.எஸ்., சபாநாயகரா... இ.பி.எஸ்., கும்பிடு போடணுமே?

நமது நிருபர்

சில நாட்களுக்கு முன், பன்னீர்செல்வம் முதல்வர் ஸ்டாலினை சந்தித்து, 'தி.மு.க., கூட்டணியில் அ.தி.மு., தொண்டர்கள் உரிமை மீட்பு கழகத்துக்கு சீட் வேண்டும்' என கேட்டார். 'அதெல்லாம் வேண்டாம்; நீங்கள் தி.மு.க.,வில் இணைந்து கொள்ளுங்கள். உங்களை கட்சி மரியாதையாக நடத்தும். உங்களோடு சேர்த்து இருவருக்கு சீட் வழங்கப்படும். அடுத்து தி.மு.க., வெற்றி பெற்று ஆட்சி அமைக்கும்பட்சத்தில், நீங்கள் தான் சபாநாயகராக இருக்க வேண்டும்' என கூறியுள்ளார். இந்த விஷயம் வெளியே கசிந்து, அ.தி.மு.க., தலைமையையும் எட்டியுள்ளது. ஒருவேளை, ஸ்டாலின் எண்ணப்படி நடந்து, பன்னீர்செல்வம் சபாநாயகராகி விட்டால், எம்.எல்.ஏ.,வாக சட்டசபைக்குள் சபாநாயகருக்கு கும்பிடு போட வேண்டியதாகுமே என்ற அச்சம், பழனிசாமிக்கு இப்போதே ஏற்பட்டுள்ளதாக கூறப்படுகிறது.