உள்ளூர் செய்திகள்

/ செய்திகள் / தமிழகம் /  த.வெ.க., ஆட்சியை கவிழ்க்க சதி மேலும் இருவர் கைது: ரூ.2.80 கோடி பறிமுதல் 

 த.வெ.க., ஆட்சியை கவிழ்க்க சதி மேலும் இருவர் கைது: ரூ.2.80 கோடி பறிமுதல் 

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

சென்னை: த.வெ.க., ஆட்சியை கவிழ்க்க முயற்சித்ததாக தொடரப்பட்ட வழக்கில், மேலும் இருவர் கைது செய்யப்பட்டுள்ளனர். இவர்களிடமிருந்து, 2.80 கோடி ரூபாய் பறிமுதல் செய்யப்பட்டுள்ளது. கிருஷ்ணகிரி மாவட்டம், ஊத்தங்கரை தொகுதி த.வெ.க., - எம்.எல்.ஏ., இளையராஜாவுக்கு, 35 கோடி ரூபாய் தருவதாக பேரம் பேசியது தொடர்பாக, சென்னை திருவல்லிக்கேணி போலீசார் வழக்கு பதிவு செய்தனர். விசாரணையில், சென்னையைச் சேர்ந்த திருநாவுக்கரசு உட்பட, 12 பேர் கைது செய்யப்பட்டனர். இவர்களின் பின்னணியில், தி.மு.க., முன்னாள் அமைச்சர் செந்தில் பாலாஜி, அவரது தம்பி அசோக்குமார் ஆகியோர் இருப்பதாக கூறப்படுகிறது. ஏற்கனவே கைது செய்யப்பட்டவர்களிடம் நடத்திய விசாரணை மற்றும் மொபைல் போன்கள் தரவுகள் அடிப்படையில், கொரட்டூரைச் சேர்ந்த கருணாநிதி, சாலிகிராமத்தை சேர்ந்த சரவணன், பள்ளிக்கரணையைச் சேர்ந்த வினோத் வெங்கடேசன் ஆகியோரிடம், திருவல்லிக்கேணி போலீசார் நேற்று விசாரணை நடத்தினர். இதைத் தொடர்ந்து, சூளைமேட்டில் செயல்பட்டு வரும் தனியார் நிதி நிறுவனத்தில் போலீசார் சோதனை நடத்தினர். இதில் கணக்கில் வராத 2.80 கோடி ரூபாய் ரொக்கம் பறிமுதல் செய்யப்பட்டது. இதையடுத்து, நிதி நிறுவன உரிமையாளர் கருணாநிதி மற்றும் சரவணன் ஆகியோர் கைது செய்யப்பட்டனர். இவர்கள் தி.மு.க.,வைச் சேர்ந்தவர்கள் என கூறப்படுகிறது. இதையடுத்து, இந்த வழக்கில் கைது செய்யப்பட்டவர்கள் எண்ணிக்கை, 14 ஆக அதிகரித்துள்ளது. இந்த சதி திட்டத்தில், மூளையாகச் செயல்பட்ட நரேஷ் என்பவருடன், இருவரும் தொடர்பில் இருந்ததாக கூறப்படுகிறது. கைப்பற்றப்பட்ட பணம் ஹவாலா பணமா எனவும் விசாரிக்கின்றனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 10 )

பிரேம்ஜி
ஜூலை 19, 2026 18:49

வெட்டி வேலை! திராவிட கட்சி பிரமுகர்களை எந்த சட்டமும் ஒன்றும் செய்ய முடியாது!


AKM KV SENTHIL MUSCAT
ஜூலை 19, 2026 15:10

சும்மா அடிச்சு விடுங்க 10 பேர் பிடிபட்டனர் 20 பேர் பிடிபட்டனர் 2 கோடி பரிமுதல் 3 கோடி பரிமுதல் .....


V Venkatachalam, Chennai-87
ஜூலை 19, 2026 09:49

திமுக காரனுங்க ஆரம்பிச்ச ஆட்சிக் கவிழ்ப்பு சாணக்கியத்தனம் பாக்கலாம் என்னா நடக்குதுன்னு.


Balaji
ஜூலை 19, 2026 14:12

75 வருட திமுக கட்சி, தன்னோட கட்சிகாரன் பிள்ளைகளை வக்கீலுக்கு படிக்க வச்சு, பல கோர்ட்டுகள்ல, வக்கீலாக, மேலும் நீதிபதியாகவும் கூட பணியாற்றி வர்றாங்க. இந்த கட்டமைப்பு தான் அவர்கள் பலம். அதனால தான் சட்டத்தின் அனைத்து ஓட்டைகளும் தெரிந்து வைத்திருக்காங்க.


Shekar
ஜூலை 19, 2026 09:22

சொல்றானுங்களே தவிர யார் என்ன சொன்னாங்க யாருக்கு பணம் கொடுத்தாங்க, எப்படி கொடுத்தாங்க எந்த ஆதாரமும் இதுவரை வெளி வரவில்லை.


Balaji
ஜூலை 19, 2026 14:03

திமுககாரன்களை சும்மா கைது பண்ண முடியாது. ஆதாரம் இருந்தாலே அத கோர்ட்ல வாதாடி உடைச்சி தப்பிக்க முடியும். ஆதாரம் இல்லாம உள்ள போட்டா, அவன எல்லா சானல்களும் நாறடிச்சுடும்.


Aam Aathmi (Mango Man)
ஜூலை 19, 2026 07:37

ஸ் ஷ் பெயரில் இருந்தால் சிக்கல் போல இருக்கே


Barathi
ஜூலை 19, 2026 07:19

நீங்க மத்த கட்சியிலிருந்து எம்எல்ஏக்களை இழுத்ததுக்கு விசாரணை பண்ணுவீர்களா? விஜயபாஸ்கர் மேல இருக்கிற கேசெல்லாம் கிடப்பில் போட்டாச்சி. இப்படி உருட்டியே மத்த பிரச்சினைகளிலிருந்து திசை திருப்பி விட்டுடலாம். DMK 2.0.


Balaji
ஜூலை 19, 2026 14:16

விஜயபாஸ்கர் மீதான கேஸ் திமுக காலத்தில் போடப்பட்டது. அவர்களுடைய ஆட்சியிலேயே, அவர்கள், இந்த விஜயபாஸ்கர் கேஸ் மீது அக்கறை இல்லாமல் இருந்தார்கள்


Gopalu
ஜூலை 19, 2026 07:18

ரில்ஸ் மாமா எவ்வளவு நாளைக்கு இந்த உதாருனு பார்ப்போம்


புதிய வீடியோ