உள்ளூர் செய்திகள்

/ செய்திகள் / உலகம் /  சீனா துவங்கிய ஏ.ஐ., அமைப்பில் இணையாமல் தள்ளி நின்றது இந்தியா

 சீனா துவங்கிய ஏ.ஐ., அமைப்பில் இணையாமல் தள்ளி நின்றது இந்தியா

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

பீஜிங்: சர்வதேச அளவில், நாடுகளுக்கு இடையேயான ஏ.ஐ., எனப்படும் செயற்கை நுண்ணறிவு நிர்வாகம் தொடர்பாக சீனா துவங்கியுள்ள புதிய அமைப்பில், 29 நாடுகள் இணைந்துள்ளன. ஆனால், மிகுந்த எச்சரிக்கை உணர்வுடன், இந்த அமைப்பில் இணையாமல் இந்தியா தள்ளி நின்றுள்ளது. நம் அண்டை நாடான சீனாவில் சமீபத்தில், டபிள்யூ.ஏ.ஐ.சி.ஓ., எனப்படும், சர்வதேச செயற்கை நுண்ணறிவு ஒத்துழைப்பு அமைப்பு துவங்கப்பட்டுள்ளது. இதை சீன அதிபர் ஷீ ஜின்பிங் தொடங்கி வைத்தார். இதில், ஐ.நா., பொதுச் செயலர் அந்தோனியோ குட்டரெஸ் கலந்து கொண்டார். ஷாங்காயை தலைமையிடமாகக் கொண்டு செயல்பட உள்ள இந்த நாடுகளுக்கு இடையேயான ஏ.ஐ., நிர்வாக அமைப்பு, ஏ.ஐ., தொழில்நுட்பத்தின் உலகளாவிய நிர்வாகத்தில் மேற்கத்திய நாடுகளின் ஆதிக்கத்திற்கு சீனா விடுக்கும் நேரடி சவாலாக பார்க்கப்படுகிறது. இந்த அமைப்பை உருவாக்குவதற்கான ஒப்பந்தத்தில், ரஷ்யா, பாகிஸ்தான் உட்பட, 29 நாடுகள் கையெழுத்திட்டுள்ளன. இதில் 10 ஆப்ரிக்க நாடுகளும், 12 ஆசிய நாடுகளும் உள்ளன. இந்தியாவை தவிர, 'பிரிக்ஸ்' அமைப்பில் உள்ள அனைத்து உறுப்பு நாடுகளும் இந்த அமைப்பில் இணைந்துள்ளன. ஆனால், இந்தக் கூட்டத்தில் இந்தியா பங்கேற்காமல், கூட்டமைப்பில் இணையாமல் தவிர்த்துள்ளது. சீனா, தொழில்நுட்ப தாக்கமில்லாத மாற்று தொழில்நுட்ப நிர்வாகத்தை உருவாக்குவதில் கவனம் செலுத்தி வருகிறது. அதே நேரத்தில், 'பாக்ஸ் சிலிகா' என்ற அமெரிக்க தலைமையிலான கூட்டமைப்பில் ஏற்கனவே ஒரு அங்கமாக இந்தியா உள்ளது. இதில் அமெரிக்கா, பிரிட்டன், ஆஸ்திரேலியா, பிலிப்பைன்ஸ், இஸ்ரேல் ஆகிய நாடுகள் உள்ளன. இதுவே சீனா உருவாக்கியுள்ள புதிய ஏ.ஐ., கூட்டமைப்பில் இந்தியா இடம்பெறாததற்கு காரணமாக கூறப்படுகிறது. மேலும், தன் சொந்த திறனை உருவாக்கும் முயற்சியில் நம் நாடு ஈடுபட்டுள்ளது. அதனால், சீனா தலைமையிலான அமைப்பில் இடம்பெறாமல் நம் நாடு தவிர்த்துள்ளது.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 12 )

அப்பாவி
ஜூலை 21, 2026 06:44

சீனாவிலிருந்து இறக்குமதி அதிகச்ரிச்சுக்கிட்டே போகுது. தள்ளி நின்னே வாங்குவோம்


தியாகு
ஜூலை 21, 2026 07:23

இந்திய பொருட்களுக்கு முன்னுரிமை கொடுக்கணும். இந்திய கம்பெனிகள் தயாரிக்கும் பொருட்களை மட்டும் வாங்குறீங்க?


Modisha
ஜூலை 21, 2026 07:31

தள்ளி நிந்தா வாங்க முடியாது .


gopi
ஜூலை 21, 2026 08:11

அப்பாவி குடும்பத்துக்கு டாஸ்மாக் கடை அருகில் இருக்கிறது.அதனால் கவலை இல்லை


visu
ஜூலை 21, 2026 08:29

இந்தியா தயரிப்பு மொபைல் போன் எது ஒரு சாதாரண சீன தயாரிப்பு போனுக்கு சமமான தரத்தில் உள்ளது


தாமரை மலர்கிறது
ஜூலை 21, 2026 01:13

சீனாவின் ஏ ஐ அமெரிக்காவின் ஏ ஐ விட பத்து மடங்கு விலை கம்மி. ஆனால் அதை நாம் சொந்த சர்வரில் பயன்படுத்தினால், பாதுகாப்பு பிரச்சனை ஏதும் வரவாய்ப்பில்லை. அதனை ஏற்றுக்கொள்ளாமல் தள்ளி இருப்பது, நமது ஏற்றுமதியை பாதிக்கும். என்பது சதவீத பெரிய அமெரிக்கா கம்பெனிகள் கூட சீனாவின் ஏ ஐ தான் உபயோகப்படுத்துகின்றன. அதனால் இந்தியா தனது முடிவை மாற்றிக்கொள்ள வேண்டும்.


Arjun
ஜூலை 21, 2026 10:27

நமது பாதுகாப்பில் எந்த சமரசமும் கூடாது.நம்மாலும் முடியும்.


தத்வமசி
ஜூலை 21, 2026 12:12

குறைந்த விலையில் கிடைக்கிறது என்று நாம் சீனாவுக்கு அடிமையாக முடியாது. பிறகு காலத்திற்கும் நாம் சீனாவை எங்கும் எதிர்த்து நிற்க முடியாது. முக்கியமாக ராணுவம் மற்றும் விண்வெளி துறைகளில் சீனா கட்டாயம் தனது வேலையைக் காட்டும். அவர்கள் வெளிப்படையாகவே உடுருவல் செய்வார்கள்.


Ramesh Sargam
ஜூலை 20, 2026 22:40

நல்லது, இந்தியா இணையாமல் இருப்பதே நல்லது. துஷ்டனை கண்டால் தூர விலகு என்று சொல்வார்கள். அதுபோல் சீனாவிடம் கொஞ்சம் தூர நிற்பதே இந்தியாவுக்கு மிக நல்லது.


Palanisamy T
ஜூலை 21, 2026 01:21

உண்மையைத்தான் சொல்லியுள்ளீர்கள். தெரிந்தோ தெரியாமலோ இதில் இந்திய நாட்டின் பாதுகாப்பும் மறைமுகமாக அடங்கியுள்ளது. இந்தியா செய்தது சரி .


தியாகு
ஜூலை 21, 2026 02:00

துஷ்டனை கண்டால் தூர விலகு, இது கட்டுமர திருட்டு திமுகவினருக்கும் பொருந்தும். ஹி...ஹி...ஹி...


Nathansamwi
ஜூலை 21, 2026 08:05

பிறகு ஏன் எஸ்சிஓ அமைப்பில் இருந்து விலகவில்லை