அதிபர் தேர்தலுக்கும் இந்தியர்கள் வெளியேற்றத்துக்கும் தொடர்பு இல்லை: அமெரிக்கா விளக்கம்

அமெரிக்காவில் சட்டவிரோதமாக தங்கியிருந்த இந்தியர்களை வெளியேற்றியதற்கும் அதிபர் தேர்தலுக்கும் எவ்வித தொடர்பும் இல்லை என்று அமெரிக்க உள்நாட்டு பாதுகாப்புத்துறை (DHS) தெரிவித்துள்ளது. அமெரிக்கா - இந்தியா அதிகாரிகளின் ஒத்துழைப்பில் நடத்தப்பட்ட இந்த நடவடிக்கையில், இந்தியர்களை கொண்ட ஒரு சிறப்பு விமானம் அக்டோபர் 22 ஆம் தேதி இந்தியா நோக்கி புறப்பட்டதாகத் தகவல் வெளியாகியுள்ளது.அமெரிக்க எல்லைகளில் இந்தியர்கள்அமெரிக்க எல்லை பாதுகாப்பு படை (US Customs and Border Patrol) வெளியிட்ட கணக்கெடுப்பில் அக்டோபர் 2023 முதல் செப்டம்பர் 2024 வரையிலான காலக்கட்டத்தில் 90,415 இந்தியர்கள் சரியான ஆவணங்கள் இன்றி அமெரிக்காவுக்கு நுழைய முயன்றனர் என குறிப்பிடப்பட்டுள்ளது. அமெரிக்கா - இந்தியா இடையிலான குடியேற்ற ஒத்துழைப்புஇந்தியர்களுக்கு சட்டப்படி அமெரிக்காவுக்கு செல்லும் வழிகளை உருவாக்குவது இந்த வெளியேற்ற நடவடிக்கையின் நோக்கமாகும். இந்நிலையில், சட்டவிரோதமாக தங்கியிருந்த அயல் நாட்டார்கள் நாடு கடத்தும் நடவடிக்கைகள் நீண்ட காலமாக நடைபெற்று வருகின்றன என்றும் அதிகாரிகள் தெரிவித்தனர்.கட்சிகள் கடந்து நடைபெறும் முயற்சிகள்அமெரிக்க தேர்தல் நடவடிக்கைகளோடு தொடர்பில்லாமல், ஆண்டுதோறும் சட்டவிரோத குடியேற்றத்தை கட்டுப்படுத்த அமெரிக்கா நடவடிக்கை எடுத்து வருகிறது. கடந்த ஆண்டில் இந்திய அரசு நாடாளுமன்றத்தில் தெரிவித்த தகவலின்படி, 2023 இல் 96,917 சட்டவிரோத இந்திய குடியேற்றிகள் அமெரிக்க எல்லைப் பாதுகாப்புத்துறையினரால் பிடிபட்டனர்.தோழமை நாடுகளுடன் இடம் பெறும் ஒத்துழைப்பு சந்திப்புஇரு நாடுகளும் இடையே நடைபெறும் வழக்கமான இந்தியா-அமெரிக்கா துணைப் தூதரக கலந்துரையாடல் கூட்டம் வழியாக, சட்ட மற்றும் பாதுகாப்பு சார்ந்த குடியேற்ற பிரச்சினைகள் விவாதிக்கப்படுகின்றன- நமது செய்தியாளர் சிதம்பரநாதன் அழகர்.