கோவை அண்ணா பல்கலைக்கு உட்பட்ட கல்லுாரிகளுக்கு இடையேயான 10வது மண்டல டென்னிஸ் போட்டி இந்துஸ்தான் தொழில்நுட்ப கல்லுாரியில் நடந்தது. இதில் பல்வேறு சுற்றுக்களை அடுத்து நடந்த முதல் அரையிறுதியில் இந்துஸ்தான் இன்ஜினீயரிங் மற்றும் தொழில்நுட்ப கல்லுாரி அணி 2-1 என்ற செட் கணக்கில் கற்பகம் கல்லுாரி அணியை வென்றது. இரண்டாம் அரையிறுதியில் ஸ்ரீ கிருஷ்ணா இன்ஜினீயரிங் மற்றும் தொழில்நுட்ப கல்லுாரி அணி 2-0 என்ற செட் கணக்கில் கிருஷ்ணா தொழில்நுட்ப கல்லுாரி அணியை வென்றது. இறுதிப்போட்டியில் இந்துஸ்தான் இன்ஜினீயரிங் மற்றும் தொழில்நுட்ப கல்லுாரி அணி 2-0 என்ற செட் கணக்கில் ஸ்ரீ கிருஷ்ணா இன்ஜினீயரிங் மற்றும் தொழில்நுட்ப கல்லுாரி அணியை வென்று முதலிடம் பிடித்தது. வெற்றி பெற்ற அணிகளுக்கு இந்துஸ்தான் தொழில்நுட்ப கல்லுாரி முதல்வர் நடராஜன் பரிசுகள் வழங்கினார்.