திருவள்ளூர் மாவட்டத்தில் தமிழ்நாடு சிலம்பம் கமிட்டி சார்பாக 6ம் ஆண்டு மாநில அளவிலான இருபாலருக்கான சிலம்பம் போட்டி நடைபெற்றது. இதில் தமிழகத்தின் பல்வேறு மாவட்டங்களில் இருந்து 500க்கும் மேற்பட்ட மாணவ, மாணவிகள் பங்கேற்றனர். வயது அடிப்படையில் ஒற்றை, இரட்டை சிலம்பம், வாள், மான்கொம்பு வீச்சு, சுருள் வாள் வீச்சு என பல்வேறு பிரிவுகளில் போட்டிகள் நடத்தப்பட்டது. கோவை மாவட்ட சிலம்ப கமிட்டி சார்பாக 6 வயது முதல் 17 வயது வரையிலான மாணவ, மாணவிகள் 25 பேர் பங்கேற்றனர். பல்வேறு பிரிவுகளில் கோவை மாணவர்கள் 5 தங்கம், 7 வெள்ளி மற்றும் 4 வெண்கலம் என 16 பதக்கங்கள் வென்று அசத்தினர். கோவை திரும்பிய மாணவ மாணவிகளுக்கு மாவட்ட சிலம்பம் கமிட்டினர் மற்றும் பெற்றோர்கள் மாலை அணிவித்து உற்சாக வரவேற்பு அளித்தனர். வெற்றி பெற்றவர்கள் கோவாவில் நடைபெறும் தேசிய அளவிலான போட்டிகளில் பங்கேற்க தகுதி பெற்றதாக பயிற்சியாளர்கள் தெரிவித்தனர்.