திருப்பூர் மாவட்டம் புத்துாரை சேர்ந்தவர் கோபாலகிருஷ்ணன், வயது 23. இளங்கலை பட்டதாரி. கபடி, மாரத்தான், தடகளம் விளையாட்டில் ஆர்வம் கொண்டனர். ஏழ்மை காரணமாக பட்டமேற்படிப்பை கோபாலகிருஷ்ணனால் தொடர முடியவில்லை. பெற்றோருக்கு உதவியாக விவசாயப் பணியில் ஈடுபட்டு வருகிறார். திண்டுக்கல் மாவட்டம் ஒட்டன்சத்திரம் அருகே கொண்டரங்கி மலை உள்ளது. 3,825 அடி உயரம் கொண்ட இந்த மலை செங்குத்தானது. மலையில் ஏறுவதும், இறங்குவதும் மிகவும் கடினம். மலையேற்றப் பயிற்சி வீரர்கள் சிலரால் மட்டுமே கொண்டரங்கி மலையை சில மணி நேரத்தில் ஏற முடியும். சில மாதம் முன்பு நண்பர்களுடன் கோபாலகிருஷ்ணன் கொண்டரங்கி மலைக்கு சென்றார். முதல் முறையாக வெறும் 25 நிமிடங்களில் மலையின் உச்சியை தொட்டார். மலை உச்சியில் இருந்து நண்பர்கள் மலையில் எங்கே வந்து கொண்டிருக்கிறார்கள் என தேடினார். அவர்கள் மிகவும் சிரமப்பட்டு மலையில் சிறிது துாரம் ஏறி வந்து கொண்டிருந்தனர். மலையின் உச்சியில் இருந்து உடனே கீழே இறங்கினார். மின்னல் வேகத்தில் அதாவது பத்தே நிமிடங்களில் அடிவாரத்தை தொட்டார்.