விருதுநகர் மாவட்டம் அருப்புக் கோட்டை திருச்சுழி ரோட்டில் இந்து அறநிலைத்துறைக்கு பாத்தியப்பட்ட தாதன்குளம் விநாயகர் கோயில் உள்ளது. நுாற்றாண்டு பிரசித்தி பெற்ற இக்கோயிலில் கும்பாபிஷேகம் செய்ய கடந்த ஒன்றரை ஆண்டுகளாக திருப்பணிகள் நடைபெற்றன. பணிகள் முழுமை பெறவில்லை. எனினும் வரும் 22ம் தேதி கும்பாபிஷேகம் செய்ய கோயில் நிர்வாகம் ஏற்பாடு செய்தது. இதற்கு ஆன்மிக ஆர்வலர்கள் மற்றும் பக்தர்கள் எதிர்ப்பு தெரிவித்தனர். ஆனாலும் கோயில் நிர்வாகம் கும்பாபிஷேக பணிகளை தொடர்ந்து செய்து வந்த நிலையில் ஞாயிறு இரவு கும்பாபிஷேக யாகசாலையை விஷமிகள் இடித்து சேதப்படுத்தினர். பக்தர்கள் மற்றும் கிராம மக்கள் அதிர்ச்சி அடைந்தனர். கோயில் நிர்வாகம் போலீசில் புகார் கூறியது. அருப்புக்கோட்டை டவுன் போலீசார் விசாரிக்கின்றனர்.