தி.மு.க கூட்டணியில் காங்கிரஸ், ம.தி.மு.க, வி.சி.க மார்க்சிஸ்ட் கம்யூனிஸ்ட், இந்திய கம்யூனிஸ்ட் உள்ளிட்ட கட்சிகள் இடம்பெற்றுள்ளன. வரும் சட்டசபை தேர்தலில், 200 தொகுதிகளுக்கு மேல் வெற்றி பெற, தி.மு.க., திட்டமிட்டுள்ளது. அதற்கு ஏற்ப, ஒவ்வொரு தொகுதியிலும் பலமான வேட்பாளர் நிறுத்தப்பட வேண்டும் என்பதில், தி.மு.க., உறுதியாக உள்ளது. எனவே,இந்தாண்டு இறுதியில் வேட்பாளர்களை அறிவித்து, தேர்தல் பணிகளை முடுக்கிவிட, அக்கட்சி திட்டமிட்டுள்ளது. இதற்காக, ஒவ்வொரு தொகுதியிலும் மக்களிடம் செல்வாக்கு உள்ள நபர் யார் என்பது குறித்த பட்டியல் தயாரிக்கப்பட்டு வருகிறது. யாரை வேட்பாளாராக நிறுத்தினால் வெற்றி கிடைக்கும் என்ற அடிப்படையில், தொகுதிக்கு மூன்று பேர் பட்டியலை, கட்சிக்கென பிரத்யேகமாக இயங்கும் ஆய்வு நிறுவனம் வாயிலாக தி.மு.க., சேகரித்து வருகிறது. இதேபோல், கூட்டணி கட்சிகளுக்கு ஒதுக்கப்பட உள்ள தொகுதிகள் குறித்த உத்தேச பட்டியலும், தி.மு.க., தரப்பில் தயாரிக்கப்பட்டுள்ளது. கூட்டணி கட்சிகளுக்கு ஒதுக்கப்படும் தொகுதிகளில், அக்கட்சிகளின் சார்பில் யாரை வேட்பாளராக நிறுத்த வேண்டும் என்ற விபரமும், அதில் இடம்பெற்றுள்ளது. அந்த பட்டியலை வழங்கி, அதன்படி வேட்பாளரை நிறுத்துமாறு, கூட்டணி கட்சி தலைவர்களிடம் பரிந்துரை செய்ய முடிவு செய்திருப்பதாக தகவல் கிடைத்துள்ளது. ஒரு கட்சி சார்பில் போட்டியிடும் வேட்பாளரை, அந்த கட்சி தலைமைதான் நிர்வாகிகளுடன் ஆலோசித்து தேர்வு செய்ய வேண்டும்.