சின்னத்திரையில் நடித்து தமிழ் சினிமாவில் காமெடி நடிகராக உயர்ந்தவர் ரோபோ சங்கர். சென்னை வளசரவாக்கத்தில் வசித்து வருகிறார். திடீர் உடல்நலக்குறைவு காரணமாக சென்னையில் உள்ள தனியார் மருத்துவமனையில் அட்மிட் செய்யப்பட்டுள்ளார். ஏற்கனவே, ரோபோ சங்கர் மஞ்சள் காமாலையால் பாதிக்கப்பட்டிருந்தார். தொடர் சிகிச்சைக்கு பிறகு குணமடைந்தார். மஞ்சள் காமாலைக்காக எடுத்துக் கொண்ட சிகிச்சைக்கு பிறகு, அவரது உடல் எடை குறைந்து காணப்பட்டார். இதனால் சமூக வலைதளங்களில் அவரது உடல்நலம் குறித்து பலவிதமான வதந்திகள் பரவின. அதை ரோபோ சங்கர் மறுத்தார். எனக்கு எந்த எந்த பிரச்னையும் இல்லை. உடல் எடை குறைக்கும் முயற்சியில் ஈடுபட்டுள்ளேன் என விளக்கம் அளித்திருந்தார். ஆனால், ரோபோ சங்கர் அளித்த விளக்கத்துக்கு மாறாக, மீண்டும் உடல்நலம் பாதிக்கப்பட்டு மருத்துவமனையில் அட்மிட் செய்யப்பட்டிருப்பது ரசிகர்களை கவலை அடைய வைத்திருக்கிறது.