தமிழகத்தில் ஒரு வாரம் மேலாக பரவலாக கனமழை பெய்து வரும் நிலையில், இந்த மழை இன்னும் ஒரு வாரம் நீடிக்கும் என்று சென்னை வானிலை மையம் அறிவித்துள்ளது. அதன் அறிக்கை: தென்மேற்கு வங்கக்கடல் மற்றும் அதனை ஒட்டிய தென்தமிழக கடலோர பகுதிகள் மேல் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக தமிழகம், புதுச்சேரி, காரைக்கால் பகுதிகளில் இடி, மின்னலுடன் கனமழை கொட்டித்தீர்க்க வாய்ப்புள்ளது. இன்று கோவை, திருநெல்வேலி மாவட்ட மலைப்பகுதிகள், நீலகிரி, தேனி, தென்காசி, கன்னியாகுமரி, மதுரை, திண்டுக்கல், திருச்சி மாவட்டங்களில் கனமழை கொட்டித்தீர்க்கும். திங்கட்கிழமையை பொறுத்தவரை கோவை, திருப்பூர் மாவட்ட மலை பகுதிகள், நீலகிரி, ஈரோடு, தேனி, மதுரை, திண்டுக்கல், விருதுநகர், தர்மபுரி, சேலம், நாமக்கல் மாவட்டங்களில் கனமழைக்கு வாய்ப்புள்ளது. செவ்வாய்க்கிழமை கோவை மாவட்ட மலை பகுதிகள், நீலகிரி, தேனி, தென்காசி மாவட்டங்களிலும், புதன்கிழமை திருநெல்வேலி மாவட்ட மலை பகுதிகள், தூத்துக்குடி, ராமநாதபுரம், விருதுநகர், சிவகங்கை, புதுக்கோட்டை, நாகப்பட்டினம், மயிலாடுதுறை, தஞ்சாவூர், திருவாரூர் மாவட்டங்களிலும் கனமழை பெய்யக்கூடும். வியாழக்கிழமையை பொறுத்தவரை கோவை, திருநெல்வேலி மாவட்ட மலை பகுதிகள், கன்னியாகுமரி, தூத்துக்குடி, தென்காசி, விருதுநகர், மதுரை, ராமநாதபுரம், சிவகங்கை, நீலகிரி, தேனி, திண்டுக்கல் மாவட்டங்களில் கனமழைக்கு வாய்ப்புள்ளது. வெள்ளிக்கிழமை கன்னியாகுமரி, திருநெல்வேலி, தூத்துக்குடி, தென்காசி, விருதுநகர், மதுரை, ராமநாதபுரம், சிவகங்கை, புதுக்கோட்டை, நாகப்பட்டினம், மயிலாடுதுறை, தஞ்சாவூர், திருவாரூர் மாவட்டங்களில் கனமழை பெய்யும். சனிக்கிழமையை பொறுத்தவரை கன்னியாகுமரி, திருநெல்வேலி, தூத்துக்குடி, தென்காசி, விருதுநகர், மதுரை, ராமநாதபுரம், சிவகங்கை, புதுக்கோட்டை, நாகப்பட்டினம், மயிலாடுதுறை, தஞ்சாவூர், திருவாரூர், கடலூர், தேனி, திண்டுக்கல் மற்றும் காரைக்கால் பகுதிகளில் கனமழை கொட்டித்தீர்க்கும். சென்னையை பொறுத்தவரை அடுத்த 48 மணி நேரத்துக்கு வானம் ஓரளவு மேகமூட்டத்துடன் காணப்படும். ஓரிரு இடங்களில் இடி மின்னலுடன் மிதமான மழை பெய்ய வாய்ப்புள்ளது. கனமழை அறிவிக்கப்பட்டுள்ள பகுதிகளில் 24 மணி நேரத்தில் 115 மில்லி மீட்டர் வரை மழை பதிவாக வாய்ப்புள்ளது என்று வானிலை மையம் கூறி உள்ளது. #RainToday #TamilNaduRainAlert #ChennaiRainToday #TamilNaduWeatherAlert #WeatherUpdate #ChennaiWeather #RainyDay #TamilNadu #Chennai #WeatherForecast #RainAlert #ClimateUpdate #StormWatch #WeatherNews #RainySeason #Monsoon #StaySafe #WeatherWarnings #LocalWeather #ChennaiRain