2023 அக்டோபர் 7ம் தேதி யூதர்கள் தங்கள் புனித நாளை கொண்டாடிக்கொண்டு இருந்தனர். நிறைய இடங்களில் அன்று இசைக்கச்சேரி நடந்தது. காசாவில் இருக்கும் ஹமாஸ் பயங்கரவாதிகள் கொத்துக்கொத்தாக இஸ்ரேலுக்குள் புகுந்தனர். இசைக்கச்சேரி நடந்த இடங்களில் கொலை வெளி தாக்குதல் நடத்தினர். துப்பாக்கிச்சூடு மற்றும் ஏவுகணை தாக்குதலில் 1200 பேர் கொல்லப்பட்டனர். திடீர் தாக்குதலால் இஸ்ரேல் நிலைகுலைந்தது. அன்றே காசா மீது போர் தொடுத்தது. 15 மாதங்கள் இடைவிடாமல் காசா நகரை இஸ்ரேல் விடாமல் குண்டு வீசி தகர்த்தது. மொத்த காசாவும் சின்னாப்பின்னமானது. பல நூறு ஹமாஸ் பயங்கரவாதிகள் உட்பட 48,300 பாலஸ்தீனியர்கள் கொன்று குவிக்கப்பட்டனர். ஒரு வழியாக அமெரிக்கா, கத்தார், எகிப்து முயற்சியால் 15 மாதம் கழித்து இஸ்ரேல்-ஹமாஸ் இடையே போர் நிறுத்தம் வந்தது. ஹமாஸ் வசம் இருந்த இஸ்ரேலின் 33 பிணைக்கைதிகள் விடுவிக்கப்பட்டனர். பதிலுக்கு இஸ்ரேல் சிறைகளில் இருந்த 2000 பாலஸ்தீனிய கைதிகளை இஸ்ரேல் விடுவித்தது. முதல் கட்ட போர் நிறுத்தம் சனிக்கிழமையுடன் முடிந்தது. ஞாயிற்றுக்கிழமை முதல் 2ம் கட்ட போர் நிறுத்தத்தை அமல்படுத்த அமெரிக்க பரிந்துரை செய்தது. இப்போது முஸ்லிம்களின் புனித மாதமான ரமலான் துவங்கி இருக்கிறது. இது முஸ்லிம்களின் நோன்பு காலம்.