ஜனநாயக விரோதம் நீண்ட நாள் நீடிக்காது | Actor Vijay | TVK | Party members arrested | Vijay condemned | அண்ணா பல்கலை மாணவி பாலியல் வன்கொடுமை சம்பவத்தை தொடர்ந்து தவெக தலைவர் விஜய் எழுதிய கடிதத்தை, அக்கட்சியினர் பொதுமக்களுக்கு விநியோகம் செய்தபோது கைது செய்யப்பட்டனர். தவெகவினர் கைது செய்யப்பட்டதை அக்கட்சி தலைவர் விஜய் கண்டித்துள்ளார். தமிழகத்து தங்கைகளுக்கு எல்லா சூழல்களிலும், அண்ணனாகவும், அரணாகவும். நிச்சயமாக உங்களுடன் உறுதியாக நிற்பேன். எதைப் பற்றியும் கவலைப்படாமல் கல்வியில் கவனம் செலுத்துங்கள் என்று வேண்டுகோள் விடுத்து கடிதம் எழுதியிருந்தேன். இந்த கடிதத்தின் நகல்களை தமிழகம் முழுவதும் மக்களிடமும் பெண்களிடமும் தவெக மகளிரணியினர் மற்றும் கட்சி நிர்வாகிகள் வழங்கினர். அப்போது நகல்களை வழங்க விடாமல் தடுத்து போலீசார் கைது செய்து, பின்னர் விடுவித்துள்ளனர். ஜனநாயக வழியில் பிரசுரங்களை விநியோகம் செய்ய முயன்றதற்காக அவர்களைக் கைது செய்தது கண்டனத்துக்கு உரியது. கருத்துரிமை, பேச்சுரிமை அடிப்படையில், யாருக்கும் தொந்தரவு இல்லாமல் அறவழியில் மக்களை சந்தித்த எனது கட்சி தோழர்களை கைது செய்வது தான் ஜனநாயகமா? இதுபோன்ற ஜனநாயக விரோத நடவடிக்கைகளை மக்கள் வெகு காலம் வேடிக்கை பார்க்க மாட்டார்கள் என விஜய் கூறியுள்ளார்.