அம்பானி வீட்டு திருமணத்தில் ராகுல் பங்கேற்காதது ஏன்? பிரபல தொழிபதிபர் முகேஷ் அம்பானி மகன் திருமணம், மும்பையில் விமரிசையாக நடந்தது. உலக வி.வி.ஐ.பி.க்கள் பலர் திருமணத்தில் பங்கேற்றனர். பிரதமர் மோடி, மேற்கு வங்க முதல்வர் மம்தா பானர்ஜி உட்பட பல தலைவர்கள், இதில் பங்கேற்றனர். ராகுல், சோனியாவுக்கு நேரடியாக சென்று பத்திரிகை கொடுத்திருந்தார் முகேஷ் அம்பானி. ஆனால், அவர்கள் யாரும் திருமணத்தில் பங்கேற்கவில்லை. திருமண நிகழ்ச்சி நடந்த சமயத்தில் ஏதோ இரு இடத்தில் மக்களுடன் பீட்சா சாப்பிட்டு, அம்பானி திருமண நிகழ்ச்சியில் பங்கேற்றோரை கிண்டலடிக்கும் வகையில் ராகுல் சமூக வலைதளத்தில் பதிவிட்டிருந்தார். திருமணத்தில் பங்கேற்ற பல, இண்டியா கூட்டணி தலைவர்களுக்கு இது பிடிக்கவில்லை. பீஹாரின் முன்னாள் முதல்வர் லாலு பிரசாத் யாதவ், அவருடைய குடும்ப உறுப்பினர்கள் 28 பேருடன் திருமணத்தில் பங்கேற்றாராம். இதற்கான சிறப்பு விமானத்தை முகேஷ் அம்பானி ஏற்பாடு செய்து கொடுத்துள்ளார். அத்துடன் திருமணத்தில் பங்கேற்க வசதியாக, 15 கார்களும் இவர்களுக்கு கொடுக்கப்பட்டு இருந்ததாம்.