தமிழகம் மற்றும் புதுச்சேரியில் அடுத்த ஒரு வாரத்துக்கு மழை தொடரும் என்று சென்னை வானிலை மையம் கூறி உள்ளது. அதன் அறிக்கை: தெற்கு கேரள கடலோர பகுதிகளுக்கு அப்பால் தென்கிழக்கு அரபிக்கடல் பகுதிகளின் மேல், ஒரு வளி மண்டல கீழடுக்கு சுழற்சி நிலவுகிறது. அதனால் தமிழகத்தில் சில இடங்கள் மற்றும் புதுச்சேரியில் இன்று இடி, மின்னலுடன் மிதமான மழை பெய்ய வாய்ப்புள்ளது. தமிழகம் மற்றும் புதுச்சேரியில் ஓரிரு இடங்களில் 17ம் தேதி வரை லேசான அல்லது மிதமான மழை தொடரும். கனமழையை பொறுத்தவரை இன்று திருநெல்வேலி மாவட்ட மலை பகுதிகள் மற்றும் ராமநாதபுரம், தூத்துக்குடி, கன்னியாகுமரி மாவட்டங்களுக்கு இன்று எச்சரிக்கை விடுக்கப்பட்டுள்ளது. இந்த ஊர்களில் இன்று 115 மிமீ வரை மழை பெய்யக்கூடும். சென்னை மற்றும் புறநகர் பகுதிகளை பொறுத்தவரை இன்று வானம் ஓரளவு மேகமூட்டமாக காணப்படும். சில இடங்களில் இடி மின்னலுடன் லேசான அல்லது மிதமான மழை பெய்ய வாய்ப்புள்ளது என்று சென்னை வானிலை மையம் கூறி உள்ளது.