திருச்சி புத்தூர் மூல கொள்ளை தெருவை சேர்ந்தவர் சீனி ரியாஸ். வயது 24. கல்லூரி படிப்பு முடித்துள்ள இவர் போட்டி தேர்வுகளுக்கு தயாராகி வருகிறார். அடிக்கடி மாணவிகள் கூட்டமாக நிற்கும் இடத்துக்கு பைக்கில் சென்று சாகசம் செய்வார். பைக் சாகசத்தை வீடியோ எடுத்து இன்ஸ்டாகிராமில் பதிவிடுவதை வாடிக்கையாக வைத்துள்ளார். Breath வீடியோ எடுக்கும் சாக்கில் பெண்களை அச்சுறுத்துகிறார் என சீனி ரியாஸ் மீது புகார் போனது. திருச்சி எஸ்பி வருண்குமாரின் புகார் எண்ணுக்கு அழைத்து ஆர்வலர்கள் தெரிவித்தனர். போலீசார் தனிப்படை அமைத்து சீனி ரியாஸ் இருக்கும் இடத்தை கண்டுபிடித்தனர். அவரை கைது செய்து விசாரித்தனர். பைக்கில் பந்தாவாக சுற்றி வீடியோ போட்ட அவர் போலீஸ் முன் கதறி மன்னிப்பு கேட்டார். இனிமேல் பைக்கில் இதுபோன்ற சாகச செயல்களில் ஈடுபட மாட்டேன். அப்பாவை இழந்த எனக்கு இது ஒரு பாடம் என கூறியுள்ளார்.