திமுகவினரின் இழிவான பேச்சுகளை பீகாரிகள் முன் ரிப்பீட் செய்வாரா? முதல்வர் ஸ்டாலினுக்கு அண்ணாமலை சவால் பீஹார் மாநிலத்தில் இந்தாண்டு இறுதியில் சட்டசபை தேர்தல் நடக்கவுள்ள நிலையில், இறந்து போனவர்கள், முகவரி மாறியவர்கள், இரு இடத்தில் பெயர் இருந்தவர்கள் என வாக்காளர் பட்டியலில் இருந்து 65 லட்சம் பேரின் பெயர்களை தேர்தல் கமிஷன் நீக்கியது. பீகார் தேர்தலில் குறுக்கு வழியில் வெற்றி பெற பாஜ சதி செய்வதாகவும், அதற்கு தேர்தல் கமிஷன் துணைபோவதாகவும் குற்றம்சாட்டி, லோக்சபா எதிர்க்கட்சித் தலைவர் ராகுல், பீஹாரில் கடந்த 17ம் தேதி முதல் பிரசார பயணம் மேற்கொண்டுள்ளார். இதில் பங்கேற்க வரும்படி ஸ்டாலினை ராகுல் அழைத்தார். அதன்படி, தனி விமானத்தில் பீகார் சென்ற ஸ்டாலின், முசாபர்பூரில் நடந்த ராகுல் யாத்திரையில் பங்கேற்று பேசினார்.