தாராபுரம் தொகுதி இடைத்தேர்தலில் நாம் தமிழர் கட்சி சார்பில் கார்த்திகா போட்டியிட்டார். தேர்தல் நேரத்தில் போலீஸ் ஸ்டேஷன் முற்றுகை, முதல்வர் விஜய் செல்லும் வழியில் போராட்டம், முதல்வர் குடும்பம் குறித்து அவதூறாக பேசுதல் என தொடர்ந்து நடத்தை விதிகளை மீறியதால் அவர் மீது தாராபுரம் போலீசார் 4 வழக்குகள் பதிவு செய்தனர். இந்நிலையில் கடந்த 20ம் தேதி கோவையில் இருந்த கார்த்திகா, அவரது கணவர் சந்திரகுமார் உள்பட நாம் தமிழர் கட்சியை சேர்ந்த 9 பேரை தாராபுரம் போலீசார் கைது செய்தனர். தாராபுரம் குற்றவியல் நடுவர் நீதிமன்ற நீதிபதி உமா மகேஸ்வரி முன்பு அனைவரும் ஆஜர்படுத்தப்பட்டனர். அவர்களை 15 நாள் நீதிமன்ற காவலில் வைக்க நீதிபதி உத்தரவிட்டார். அதைத்தொடர்ந்து அனைவரும் கோவை மத்திய சிறையில் அடைக்கப்பட்டனர்.